Breaking News
  • आनंदाची बातमी: 1 एप्रिलपासून नवीन वीज दर लागू होणार
  • रोहितने धडाकेबाज फलंदाजीने रचला सर्वात जलद IPL विक्रम
  • 'केरळम'मध्ये कमळ फुलणार; LDF आणि UDF दोन्ही भ्रष्टाचारी
  • गडचिरोलीत उद्योगांसाठी जमीन अधिग्रहणावरून वडेट्टीवारांचा सरकारवर घणाघात
  • माझ्या जीवाला धोका: ममता बॅनर्जींचा गंभीर आरोप
  • ममता बॅनर्जी यांचा आरोप, भाजप सत्तेत आल्यास बंदी घातली जाईल
  • महाराष्ट्रातील शाळांना २ मे पासून उन्हाळी सुट्टी; नवीन शैक्षणिक वर्ष १५ जूनपासून सुरू
  • भानुप्रियाने लग्नाचा सापळा रचून पाच जणांना घातला लाखोंचा गंडा
  • भारतामध्ये गॅस टंचाईमुळे पेट्रोल पंपांवर रॉकेलचे वितरण सुरू

होम > महाराष्ट्र

माओवादी आत्मसमर्पण

गडचिरोलीत ९ वरिष्ठ माओवाद्यांचे आत्मसमर्पण; पोलीस व सीआरपीएफला मोठे यश

Gadchiroli Maoist Surrender: गडचिरोलीत, ९ माओवाद्यांनी आत्मसमर्पण केले, ज्यामध्ये ३ एसीएम आणि ६ सदस्यांचा समावेश आहे. त्यांच्याकडून एके-४७ व कार्बाईनसह शस्त्रसाठा जप्त करण्यात आला.


गडचिरोलीत ९ वरिष्ठ माओवाद्यांचे आत्मसमर्पण पोलीस व सीआरपीएफला मोठे यश

Gadchiroli Maoist Surrender |

३ एसीएमसह ९ जणांचा शरणागतीचा निर्णय; ३० लाखांचे बक्षीस जाहीर असलेले माओवादी

गडचिरोली (Gadchiroli Maoist Surrender) : जिल्ह्यात माओवादविरोधी मोहिमेत मोठे यश मिळवत ९ वरिष्ठ माओवाद्यांनी गडचिरोली पोलीस दल व सीआरपीएफसमोर आत्मसमर्पण केले आहे. यामध्ये ३ एसीएम (एरिया कमिटी सदस्य) पदावरील माओवाद्यांसह इतर ६ सदस्यांचा समावेश असून, त्यांच्या अटकेसाठी महाराष्ट्र शासनाने एकूण ३० लाख रुपयांचे बक्षीस जाहीर केले होते. आत्मसमर्पण केलेल्या (Maoist Surrender) माओवाद्यांमध्ये दसरी ऊर्फ पिडे सन्नु वेको, रामजी अडमा पोटाम, शांती वंजा वड्डे यांच्यासह इतर सहा सदस्यांचा समावेश आहे. यापैकी शांती वंजा वड्डे हिने एके-४७ रायफल व ३० जिवंत काडतुसांसह, तर सुक्की बामी कुंजाम हिने कार्बाईन रायफलसह आत्मसमर्पण केले.

एके-४७ व कार्बाईनसह शस्त्रसाठा जप्त; २०२५ पासून आतापर्यंत १३२ माओवाद्यांचे आत्मसमर्पण

आत्मसमर्पित माओवाद्यांकडून (Maoist Surrender) मिळालेल्या माहितीच्या आधारे महाराष्ट्र-छत्तीसगड सीमेवरील कुमनार जंगल परिसरातून मोठ्या प्रमाणात शस्त्रसाठा जप्त करण्यात आला आहे. यात एके-४७ रायफल, मॅगझीन, ५७ जिवंत काडतुसे, वॉकीटॉकी, बॅटऱ्या व पेनड्राईव्हचा समावेश आहे. तसेच अन्य ठिकाणी करण्यात आलेल्या कारवाईत एसएलआर रायफल, डेटोनेटर व इतर साहित्यही हस्तगत करण्यात आले आहे.


गडचिरोली जिल्ह्यातील माओवाद (Gadchiroli Maoist Surrenderआता मोठ्या प्रमाणात कमी झाला असून, सध्या तो केवळ भामरागड उपविभागाच्या सीमावर्ती भागातच मर्यादित राहिल्याचे पोलिसांनी सांगितले. शासनाच्या आत्मसमर्पण धोरणामुळे आणि पोलीस दलाच्या प्रभावी कारवाईमुळे अनेक माओवादी मुख्य प्रवाहात येत आहेत.

विशेष म्हणजे, २०२५ पासून आतापर्यंत एकूण १३२ माओवाद्यांनी आत्मसमर्पण (Maoist Surrender) केले असून, २०२२ पासून हा आकडा १६६ वर पोहोचला आहे. एकूणच, आजपर्यंत ८०५ माओवाद्यांनी गडचिरोली पोलीस दलासमोर शरणागती पत्करली आहे. या कार्यक्रमाला सीआरपीएफचे उप-महानिरीक्षक (अभियान) अजय कुमार शर्मा, गडचिरोलीचे पोलीस अधीक्षक नीलोत्पल, तसेच इतर वरिष्ठ पोलीस अधिकारी उपस्थित होते. पोलीस दलाच्या विशेष अभियान पथकाने ही कारवाई यशस्वी करण्यासाठी महत्त्वाची भूमिका बजावली.

Related to this topic: