सोलापुर मध्ये “सकाळी उठत नाही” म्हणत बनाव; पोस्टमार्टममध्ये उघड झाला खून

मोहोळ तालुक्यातील सारोळे येथे एका २६ वर्षीय विवाहितेच्या संशयास्पद मृत्यूचे प्रकरण उघडकीस येताच खळबळ उडाली आहे.

सोलापुर मध्ये “सकाळी उठत नाही” म्हणत बनाव; पोस्टमार्टममध्ये उघड झाला खून

Domestic Violence

सोलापूर (Domestic Violence) : मोहोळ तालुक्यातील सारोळे येथे एका २६ वर्षीय विवाहितेच्या संशयास्पद मृत्यूचे प्रकरण उघडकीस येताच खळबळ उडाली आहे. सुरुवातीला नैसर्गिक मृत्यू असल्याचे भासवण्याचा प्रयत्न करण्यात आला; मात्र शवविच्छेदन अहवालातून गळा दाबून खून झाल्याचे स्पष्ट झाल्याने धक्कादायक वास्तव समोर आले. या प्रकरणी पती आणि सासूविरुद्ध गुन्हा दाखल करून दोघांनाही पोलिसांनी ताब्यात घेतले आहे.

मृत विवाहितेचे नाव सोनाली प्रतीक शिंदे असे आहे. तिच्या मृत्यूनंतर घडलेल्या घटनाक्रमामुळे संपूर्ण प्रकरण संशयाच्या भोवऱ्यात अडकले.

बनाव उघड; पोस्टमार्टममुळे सत्य समोर
रविवारी (१२ एप्रिल) सकाळी प्रतीक शिंदे याने सासरे दत्तात्रय सुरवसे यांना फोन करून, “मी आणि सोनाली रात्री ११ वाजता झोपलो होतो, पण सकाळपासून ती उठत नाही,” असा दावा केला. घाबरलेल्या पालकांनी तिला तातडीने दवाखान्यात नेण्यास सांगितले. मात्र, मोहोळ ग्रामीण रुग्णालयात पोहोचण्यापूर्वीच सोनालीचा मृत्यू झाल्याचे डॉक्टरांनी घोषित केले.

सुरुवातीला हा प्रकार नैसर्गिक मृत्यू असल्याचे दाखवण्याचा प्रयत्न झाला. मात्र, लेकीचे पार्थिव पाहिल्यानंतर वडील दत्तात्रय सुरवसे यांना संशय आला. त्यांनी तातडीने मृतदेह सोलापूरच्या शासकीय रुग्णालयात शवविच्छेदनासाठी पाठवला. या अहवालात गळा आवळून खून केल्याचे स्पष्ट झाल्याने संपूर्ण प्रकरणाला नाट्यमय वळण मिळाले.

क्षुल्लक कारणांवरून छळ; अखेर भीषण शेवट
मिळालेल्या माहितीनुसार, लग्नात टीव्ही, फ्रिज न दिल्याची खंत, मानपानाचा मुद्दा आणि माहेरहून पैसे आणण्याचा दबाव अशा किरकोळ कारणांवरून सोनालीचा सतत छळ केला जात होता. या छळाचा शेवट थेट तिच्या हत्येने झाल्याचा आरोप करण्यात आला आहे.

पती-सासू अटकेत; न्यायालयीन कारवाई
या प्रकरणी दत्तात्रय खंडू सुरवसे (रा. कोर्टी, ता. पंढरपूर) यांनी मोहोळ पोलीस ठाण्यात फिर्याद दाखल केली. त्यानुसार पती प्रतीक अनंत शिंदे (वय २६) आणि सासू भामाबाई शिंदे (वय ४७) यांच्याविरुद्ध गुन्हा नोंदवण्यात आला. पोलिसांनी दोघांना अटक करून न्यायालयात हजर केले असता, न्यायालयाने त्यांना पोलीस कोठडी सुनावली आहे.

पोलिस तपास सुरू
या प्रकरणाचा पुढील तपास पोलीस निरीक्षक बाजीराव पोवार यांच्या मार्गदर्शनाखाली पोलीस उपनिरीक्षक नवनाथ पाटील करीत आहेत. घटनेमुळे सोलापूर जिल्ह्यात खळबळ उडाली असून, आरोपींवर कठोर कारवाईची मागणी होत आहे.

संबंधित सामग्री

दिव्या देशमुख, तेजस्विन शंकर यांचा अर्जुन पुरस्काराने गौरव!

दिव्या देशमुख, तेजस्विन शंकर यांचा अर्जुन पुरस्काराने गौरव!

National Sports Awards: राष्ट्रकुल क्रीडा स्पर्धेत डेकॅथलॉन प्रकारात कांस्यपदक जिंकून ऐतिहासिक कामगिरी केली होती. या प्रकारात राष्ट्रकुल स्पर्धेत पदक मिळवणारा तो पहिला भारतीय खेळाडू ठरला होता.

Nov 13, 2026
अमूल-मदर डेअरीनंतर आता गोकुळचे दूधही महागणार

अमूल-मदर डेअरीनंतर आता गोकुळचे दूधही महागणार

अमूल आणि मदर डेअरीनंतर आता गोकुळचे दूधही महागणार? चेअरमन राजेश पाटील यांचे संकेत; शनिवारी नव्या दरांबाबत निर्णय होण्याची शक्यता.

Nov 13, 2026
अरविंद केजरीवाल यांना जीवे मारण्याची धमकी; 7 कोटींच्या खंडणीची मागणी

अरविंद केजरीवाल यांना जीवे मारण्याची धमकी; 7 कोटींच्या खंडणीची मागणी

Threat to Arvind Kejriwal: दिल्लीचे माजी मुख्यमंत्री आणि आम आदमी पक्षाचे राष्ट्रीय संयोजक अरविंद केजरीवाल तसेच त्यांच्या मुलीला जीवे मारण्याची धमकी देत सात कोटी रुपयांची खंडणी मागण्यात आल्याचा प्रकार

Nov 12, 2026
मेकअप आर्टिस्ट बनला ड्रग्ज तस्कर! मालाडच्या घरातील पोटमाळ्यावर लपवले ३ कोटींचे कोकेन

मेकअप आर्टिस्ट बनला ड्रग्ज तस्कर! मालाडच्या घरातील पोटमाळ्यावर लपवले ३ कोटींचे कोकेन

मुंबईत मेकअप आर्टिस्टकडून ३ कोटींचे कोकेन जप्त! मालाडमधील घराच्या पोटमाळ्यावर लपवला होता ६७८ ग्रॅमचा साठा; बांगूरनगर पोलिसांची कारवाई.

Nov 12, 2026
महाराष्ट्राच्या ईराची जागतिक भरारी! 10व्या वर्षी केले सहा विश्वविक्रम

महाराष्ट्राच्या ईराची जागतिक भरारी! 10व्या वर्षी केले सहा विश्वविक्रम

Ira’s Global Ascent: महाराष्ट्रातील बुलढाणा येथील अवघ्या 10 वर्षीय ईरा आदित्य राऊत हिने स्कूबा डायव्हिंगच्या क्षेत्रात उल्लेखनीय कामगिरी करत एका दिवसात सहा जागतिक विक्रम नोंदवले आहेत.

Nov 12, 2026