Parbhani Diesel Theft: परभणीच्या ब्राम्हणगाव शिवारात ट्रकमधून सुमारे २५० लिटर डिझेल चोरीला गेले. घटना रविवारी मध्यरात्री उघडकीस आली आहे आणि पोलिस तपास करीत आहेत.
ब्राम्हणगाव शिवारातील घटना, पांढर्या कारमधील अज्ञाताविरुध्द गुन्हा दाखल
परभणी (Parbhani Diesel Theft) : ग्रामीण पोलिस ठाण्याच्या हद्दीत ब्राम्हणगाव शिवारात उभ्या असलेल्या ट्रकमधून अज्ञात चोरट्यांनी तब्बल २५० लिटर (२३ हजार रुपयांचे) डिझेल चोरी केल्याची घटना रविवार १० मे रोजीच्या मध्यरात्री उघडकीस आली आहे. या प्रकरणी पांढर्या रंगाच्या कारमधून आलेल्या अज्ञात इसमांविरुद्ध ग्रामीण पोलिसांत गुन्हा दाखल करण्यात आला असून पुढील तपास पोउपनि संदीप शिंदे करीत आहेत.
ग्रामीण पोलिस ठाण्यात शनिवार १० मे रोजी गुन्हा दाखल करण्यात आला. फिर्यादी निवृत्ती ज्ञानोबा दहीफळे (व्यवसाय चालक, रा. खोडवा सावरगाव, ता. परळी, जि. बीड) यांनी दिलेल्या फिर्यादीवरून ही कारवाई करण्यात आली. पोलिसांनी दिलेल्या माहितीनुसार, रविवार १० मे रोजी मध्यरात्री २ ते पहाटे ४ वाजेदरम्यान परभणीतील ब्राम्हणगाव शिवारातील एका हॉटेलसमोर उभ्या असलेल्या एमएच ४४ यू ६९८७ क्रमांकाच्या ट्रकमधील डिझेल चोरी करण्यात आले.
अज्ञात चोरट्यांनी ट्रकच्या डिझेल टँकचे (Parbhani Diesel Theft) लॉक तोडून अंदाजे २५० लिटर डिझेल, किंमत सुमारे २३ हजार रुपये, चोरून नेले. या घटनेनंतर फिर्यादी निवृत्ती दहीफळे यांनी ग्रामीण पोलिस ठाण्यात गुन्हा दाखल केला. त्यावरून पांढर्या रंगाच्या कारमधील अज्ञात इसमांविरुद्ध गुन्हा नोंदविण्यात आला असून पुढील तपास ग्रामीण ठाण्याचे पोलीस उपनिरीक्षक संदीप शिंदे हे करीत आहेत.