परभणीत नराधम बापाकडून पोटच्या मुलीवर अत्याचार

परभणी शहरातील संतापजनक घटना नवामोंढा पोलिस ठाण्यात गुन्हा दाखल

परभणी (Parbhani girl abuse) : नात्याला काळीमा फासणारी आणि मानवतेला हादरवून टाकणारी संतापजनक घटना परभणी शहरात उघडकीस आली आहे. एका नराधम बापानेच आपल्या पोटच्या मुलीवर अत्याचार केल्याची धक्कादायक घटना समोर आली आहे. (Parbhani girl abuse) पीडित मुलीने धैर्याने पुढे येत दिलेल्या फिर्यादीवरून नवामोंढा पोलिस ठाण्यात आरोपी बापाविरुद्ध गंभीर स्वरूपाचा गुन्हा दाखल करण्यात आला आहे.

मिळालेल्या माहितीनुसार, परभणी शहरातील एका परिसरात ही अमानुष घटना घडली.  २६ एप्रिल रोजी आरोपी बापाने २० वर्षीय मुलीस तुला वापरण्यासाठी कपडे नाहीत. आपण नवीन कपडे घेण्यासाठी गावाकडे जाऊ असे म्हणून दुचाकीवर बसून घेऊन गेला. पाथरी रोडवरील एका शेतात नेऊन आपल्या (Parbhani girl abuse) मुलीवर जबरदस्ती करत तिच्यावर लैंगिक अत्याचार केला. हा प्रकार वारंवार केल्याचे तक्रारीत नमुद केले आहे. एवढेच नाही तर आरोपीने थापडबुक्क्यांनी मारहाण करुन कोयत्याने जीवे मारण्याची धमकी दिली. मात्र, मुलीने धाडस करून आपल्यावर झालेल्या अत्याचाराची नवामोंढा पोलिस ठाण्यात तक्रार दिली. त्यावरुन नराधम बापाविरुध्द गुन्हा दाखल करण्यात आला आहे.  अधिक तपास पोनि. महादेव मांजरमकर यांच्या आदेशाने सपोनि कदम हे करीत आहेत.