परभणीत जुन्या भांडणात तलवार, लोखंडी रॉडने हल्ला

पालम तालुक्यातील खोरस येथील घटना आरोपींवर गुन्हा दाखल 

परभणी (Parbhani iron rod attack) : पालम येथील जुन्या भांडणाच्या कारणावरुन झालेल्या वादातून एकावर तलवार, लोखंडी रॉडने जिवघेणा हल्ला करण्यात आला. हि घटना पालम तालुक्यातील खोरस बस स्थानका समोर घडली. सदर प्रकरणी १९ मे ला दोन जणांवर पालम पोलीसात गुन्हा दाखल करण्यात आला आहे. 

बालाजी चिंतामणी खंडागळे यांनी तक्रार दिली आहे. सतिश उर्फ भैय्या हुलगीर, शेख शकिल शेख महेबुब या दोघांनी संगणमत करत फिर्यादीला जुन्या भांडणाच्या कारणावरुन शिवीगाळ करुन जिवघेण्याच्या उद्देशाने तलवार, लोखंडी रॉडने मारुन गंभीर जखमी केले. तसेच जिवे मारण्याची धमकी दिली. याप्रकरणी पालम पोलीसात गुन्हा दाखल करण्यात आला आहे. तपास पोउपनि नागरगोजे करत आहेत. 

जातीवाचक शिवीगाळ करत मारहाण 
परभणी : जुना राग मनात धरत एकाला जातीवाचक शिवीगाळ करत मारहाण करण्यात आली. हि (Parbhani iron rod attack) घटना १७ मे रोजी मध्यरात्रीच्या सुमारास रमाबाई नगर येथे घडली. याप्रकरणी उमेश आदमाने यांनी दिलेल्या तक्रारी वरुन शेख फरदीन याच्यावर कोतवाली पोलीसात गुन्हा दाखल करण्यात आला आहे. तपास उपविभागीय पोलीस अधिकारी समाधान पाटील करत आहेत.