ट्रक्टरने अवैध रेतीची वाहतुक करणा-या आरोपीतांविरूध्द गुन्हा दाखल

कन्हान (Illegal sand transport) : पोलीस स्टेशन अंतर्गत घाटरोहना हद्दीतील नदीचे पात्रातुन ट्रॅक्टर मध्ये अवैधरीत्या रेतीची चोरटी वाहतुक करताना ट्रक्टर, ट्रॉली कन्हान पोलीसानी पक डुन ट्रक्टर चालकास ताब्यात घेऊन १ ब्रॉस रेती सह ट्रक्टर, ट्रॉली असा एकुण १० लाख ०७ हजार रू. चा मुद्देमाल जप्त करून ट्रक्टर चालक व मालका विरूध्द गुन्हा दाखल करण्यात आला आहे. 

मंगळवार (दि.३१) मार्च ला कन्हान पोलीस पेट्रोलींग करीत असतांना गुप्त बातमीदारांकडुन खात्री शीर माहीती मिळाली की, घाटरोहना हद्दीतील नदीचे पात्रातुन ट्रॅक्टर मध्ये अवैधरीत्या रेतीची चोरटी वाहतु क होत आहे. प्राप्त माहितीच्या आधारे पोलीसांनी (Illegal sand transport) घाटरोहना ते वाघोडा रोडवर सापळा रचुन कारवाई केली असता महिंद्रा कंपनीचा विना क्रमांकाचा ट्रॅक्टर ट्रॉलीसह मिळुन आल्याने वाहन थांबवुन वाहनाची पाहणी केली असता त्यामध्ये रेती आढळुन आली. ट्रॅक्टरचा चालक १) अनिकेत चंद्रभान राऊत वय २३ वर्ष, रा. काळापाटा, ता. पारशिवनी आणि ट्रॅक्टर हा मिळुन आला वाहन मालक २) निलेश गोमकाळे वय ३५ वर्ष, रा. तामसवाडी हा असल्याची माहीती प्राप्त झाली.

पोलीसांनी आरोपी चालकास रेती वाहतुकीच्या परवान्याबाबत विचारपुस केली असता त्याच्याकडे कोणताही परवाना  (Illegal sand transport) नसल्याने पोलीसांनी पंचासमक्ष ट्रक्टर, ट्रॉली वाहन किंमत १०,००,००० रूपये २) ०१ ब्रास रेती किंमत ७००० रूपये असा एकुण १०,०७,० ०० रूपयांचा मुद्देमाल जप्त केला. आरोपी चालक आणि मालक यांच्या विरूध्द पोलीस स्टेशन कन्हान येथे कलम ३०३(२), ४९, ३(५) भा.न्या.सं, सहकलम ४८ (८), ४८ (७) महाराष्ट्र जमीन महसुल संहीता १९६६, सहकलम ४, २१ खाण खनिज अधिनियम, सहकलम ३ सार्वजनिक मालमत्तेचे नुकसान १९८४, सहकलम १५ पर्यावरण सरक्षण अधिनियम अन्वये गुन्हा दाखल करण्यात आला आहे.