जवळा बाजारमध्ये मोटरसायकल अपघातात युवक ठार

जवळा बाजार (Youth Accidental Death) : येथे शनिवारी रात्री 11 च्या सुमारास वीज उपकेंद्रासमोर दोन मोटरसायकलच्या झालेल्या धडकेत एक युवक जागीच ठार झाला तर दुसरा  मोटरसायकलस्वार अपघातानंतर पसार झाला आहे.

ही घटना घडल्यानंतर मयत युवक शेख हुसेन शेख गफार वय 19 वर्ष राहणार जवळा बाजार हा अपघातानंतर मृत होऊन वीज उपकेंद्रासमोरील रस्त्याच्या कडेच्या खड्ड्यात पडलेला आढळला. सकाळी सहा वाजता फिरायला जाणाऱ्या काही जणांच्या ही बाब लक्षात आल्यानंतर त्यांनी पोलिसांना कळवले. सहाय्यक पोलीस निरीक्षक कैलास भगत यांच्या मार्गदर्शनाखाली जमादार इमरान सिद्दीकी व अंबादास बेले यांनी (Youth Accidental Death) घटनास्थळी जाऊन पंचनामा केला. शेख हुसेन शेख गफार याची एम एच 38 एस 95 34 व दुसरी मोटर सायकल एमएच ३८ एई 14 99 ही शाईन कंपनीची मोटरसायकल ताब्यात घेतली.

मयत युवकाचे शव येथील प्राथमिक आरोग्य केंद्रात दाखल केल्यानंतर वैद्यकीय अधिकाऱ्यांनी शव  विच्छेदन करून मृतदेह नातेवाईकांच्या ताब्यात दिला. या घटने प्रकरणी पोलीस दुसऱ्या मोटरसायकल स्वाराचा शोध घेत आहेत.