Hingoli Person Death: हिंगोली जिल्ह्यातील ४८ वर्षीय राजु नारायण नाटेकर यांनी घराच्या छतावरून पडल्याने गंभीर जखमी होण्याची घटना झाली. तात्काळ उपचारानंतर नांदेडला
हिंगोली (Hingoli Person Death) : शहरातील रिसाला बाजार भागातील ४८ वर्षीय व्यक्ती घराच्या छतावरून खाली पडल्याने गंभीररित्या जखमी झाला असता हिंगोली जिल्हा शासकीय रुग्णालयात औषधोपचार करून नांदेडला नेण्यात येत असताना त्याचा मृत्यू झाल्याची घटना घडली. मिळालेली माहिती अशी की, राजु (मेजर) नारायण नाटेकर (४८) हे हिंगोलीतील रिसाला बाजारात वास्तव्यास होते. शहरातील विद्यार्थींनींना अॅटोद्वारे शाळेमध्ये ने-आण करीत होते. १७ मे रोजी रात्रीच्या सुमारास घराच्या छतावर गेले असता अचानक तोल गेल्याने खाली पडुन गंभीररित्या जखमी झाले होते. त्यांना तात्काळ हिंगोलीतील शासकीय रुग्णालयात उपचारासाठी दाखल केले होते.
याठिकाणी प्रथमोपचार करून नांदेड रुग्णालयात हलविण्यात येत होते. रस्त्यामध्ये त्यांचा (Hingoli Person Death) रात्रीच्या सुमारास मृत्यू झाला. १८ मे रोजी जिल्हा शासकीय रुग्णालयात शवविच्छेदन करून मृतदेह नातेवाईकाच्या स्वाधीन करण्यात आला. त्यांच्यावर दुपारी अकोला रस्त्यावरील पॉवर हाऊस शेजारी स्मशान भुमित दुपारी अंत्यसंस्कार करण्यात आला. त्यांच्या पश्चात पत्नी, एक मुलगा, एक मुलगी, तिन भाऊ, भावजयी, पुतने, पुतनी असा परिवार आहे.