सोनपेठ येथील आठवडी बाजारातील किराणा दुकानात चोरी; आरोपीस मुद्देमालसह अटक 

स्थानिक गुन्हे शाखा व सोनपेठ पोलिसांची संयुक्त कारवाई

परभणी (Sonpeth shop theft) : सोनपेठ शहरातील आठवडी बाजारात असलेल्या श्री समर्थ प्रोव्हीजन किराणा दुकानाचे शटर तोडून किराणा माल अंदाजे ५७ हजार १७ रुपये व नगदी दोन हजार ५०० रुपये असा एकूण ५९ हजार ५१७ रुपयांचा मुद्देमाल चोरीला गेल्याचे दि १९ एप्रिल रोजी उघडकीस आले होते.याप्रकरणी सोनपेठ पोलीस स्थानकात अज्ञात आरोपी विरोधात गुन्हा दाखल करण्यात आला होता.मात्र या घटनेचे गांभीर्य लक्षात घेऊन सोनपेठ पोलीस व स्थानिक गुन्हे शाखा यांच्या संयुक्त कारवाईने दोन आरोपीला ताब्यात घेऊन अटक करण्यात आली आहे.या धडक कारवाईमुळे सोनपेठ शहरात जोरदार चर्चा सुरू आहे.

सोनपेठ शहरातील आठवडी बाजारात असलेल्या श्री समर्थ प्रोव्हीजन किराणा दुकानाचे शटर (Sonpeth shop theft) तोडून अज्ञात आरोपींनी दुकानातील काउंटरचा गल्ला तोडून नगदी २ हजार ५०० रुपये तसेच काजु ,बदाम, पिस्ता,काळा मनुका,काळी खारीक,काळी खजुर, जर्दाळू,आक्रोड, सुपारी,गाय छाप,गोल्ड सिगारेट, ब्रिस्टॉल,याचा अंदाजे५७ हजार १७ आसा एकुण ५९ हजार ५१७ रुपयांचा मुद्देमाल चोरीला गेला होता.या प्रकरणी सोनपेठ पोलीसांनी तपासाची चक्रे गतिमान केली आहे.मदतीला स्थानिक गुन्हे शाखा पथक अज्ञात आरोपींच्या शोधात आले होते.गुप्त माहितीच्या आधारे अवघ्या २४ तासांच्या आत मुद्देमाल व दोन आरोपी ताब्यात घेऊन पुढील तपास कामी देण्यात आले आहे.तर यातील एक आरोपी फरार आहे.

सदर कारवाईत अज्ञात आरोपींनी दुकानातील चोरीला (Sonpeth shop theft) गेलेला मुद्देमाल जप्त करण्यात आला आहे.सदर‌ कारवाई स्थानिक गुन्हे शाखेचे पोलीस निरीक्षक विवेकानंद पाटील व सोनपेठ पोलीस स्थानकाचे पोलीस निरीक्षक अशोक गित्ते यांच्या मार्गदर्शनाखाली पथकाने कारवाई केली आहे.यामध्ये पोउपनि चंदनसिंह परिहार, पोउपनि अजय किरकन, महेश कवठाळे राहुल परसोडे दिलिप निलपत्रेवार माणिक वाघ शरद सावंत लक्ष्मण कांगणे श्रीकृष्ण तिडके, अशोक हिंगे, भुसणार यांचा समावेश होतो.या धडक कारवाईमुळे पोलीस प्रशासनाचे सर्वत्र कौतुक होत आहे. सोनपेठ पोलीसांनी आवाहन केले आहे की,नागरिकांनीही रात्रीच्या वेळी सतर्क राहून, संशयास्पद हालचाली विषयी तात्काळ पोलिसांना माहिती द्यावी.सोनपेठ शहरातील दुकानदारांमध्ये पोलिसांबद्दल सकारात्मक भावना निर्माण झाली असून, भविष्यात अशा प्रकारच्या घटना रोखण्यासाठी पोलिस प्रशासनाकडून अधिक कडक उपाययोजना राबविण्यात येणार असल्याचे पोलिस प्रशासनाने सांगितले आहे.