Parbhani Farm Produce Theft: तालुक्यातील झरी येथे केबल, मोटार, शेतीसाहित्य चोरी करतांना दोन चोरट्यांना शेतकर्यांनी पकडले. इतर चोरटे अॅटोतून पसार होण्यात यशस्वी झाले.
परभणी ( Parbhani Farm Produce Theft) : तालुक्यातील झरी येथे केबल, मोटार, शेतीसाहित्य चोरी करतांना दोन चोरट्यांना शेतकर्यांनी पकडले. इतर चोरटे अॅटोतून पसार होण्यात यशस्वी झाले. ही घटना बुधवार १९ ऑगस्ट रोजी दुपारच्या सुमारास घडली. शेतकर्यांनी चोरट्यांना ग्रामीण पोलिसांच्या हवाली केले आहेत.
सध्या खरीब हंगामातील शेतीमशागतीचे काम चालू आहे. यासाठी शेतकर्यांनी साहित्य शेतात आणून ठेवले आहे. बुधवारी दुपारी २ च्या सुमारास झरी परिसरातील शेतात कापसाच्या पिकामध्ये आठ जण लपून बसले असल्याचे शेतात काम करणार्या शेतकर्यांच्या लक्षात आले. (Parbhani Farm Produce Theft) त्यांनी संबंधितांना पकडण्याचा प्रयत्न केला. यावेळी सहा जण अॅटो घेऊन पसार झाले. तर दोघांना शेतकर्यांनी ताब्यात घेतले. त्यांच्या जवळ केबल तोडण्याची पकड, चोरी करण्याचे साहित्य मिळून आले. घटनेची माहिती ग्रामीण पोलिसांना देण्यात आली. सपोनि.आडके, पोउपनि मोहिते, बीटजमादार कनाके, शंकर हाके यांच्या स्वाधीन चोरट्यांना करण्यात आले.