बिस्कीट व पन्नास रुपयाचे आमिष दाखवून भोळसर मुलीवर सामुहीक अत्याचार

चारही आरोपींना अटक; २४ ऑगस्टपर्यंत पोलिस कोठडी

हट्टा (Girl Gang-rape) : वसमत तालुक्यातील एका गावामध्ये १३ वर्षीय अल्पवयीन बालिकेच्या वेडसर पणाचा फायदा घेऊन तिला बिस्किट व पन्नास रुपये देतो असे म्हणुन मोटार सायकलवर बसवून नेऊन तिच्यावर सामुहीक अत्याचार केल्याने चार नराधमांवर पोक्सोसह इतर कायद्यान्वये गुन्हा दाखल झाला.  गुन्ह्यातील चारही आरोपींना अटक करून न्यायालयात हजर केले असता चार दिवसाची पोलिस कोठडी सुनावली.

याबाबत पोलिस सुत्रांनी दिलेली माहिती अशी की, वसमत तालुक्यातील एका गावामधील १३ वर्षीय अल्पवयीन मुलीचे कुटूंब  बाहेरगावी गेल्याची संधी साधून १३ ऑगस्टला तसेच १५ दिवसापूर्वी अल्पवयीन मुलीस बिस्कीट व पन्नास रुपये देण्याचे आमिष दाखवून तिला काही जणांनी मोटार सायकलवर बसवून नेऊन एका ऊसाच्या शेतात नेल्यावर तिच्यावर सामुहीक अत्याचार करण्यात आला. या प्रकरामुळे अल्पवयीन मुलगी चांगलीच गांगारून गेली होती. या मुलीचे कुटूंबीय बाहेर गावावरून आल्यानंतर ती वेगळ्या पध्दतीने वागत असल्याने कुटूंबियांनी तिला रूग्णालयात नेले.

याच दरम्यान तिच्या अंगावरील कपडे चिखलाने भरलेले दिसून आल्याने घरच्यांनी तिच्याकडे विचारणा केली असता तिने घडलेल्या (Girl Gang-rape) घटनेची माहिती दिली. तिघांनी बिस्कीट व पन्नास रुपयाचे आमिष दाखवून ऊसाच्या शेतात नेऊन अत्याचार केल्याचे सांगितल्याने १९ ऑगस्टला मुलीसह कुटूंबियांनी हट्टा पोलिस ठाण्यात धाव घेऊन रितसर तक्रार दिली. यानुसार विजय खाडे, लखन खाडे, प्रविण खाडे, प्रकाश खाडे या चार नराधमांवर पोक्सोसह इतर कलमान्वये गुन्हा दाखल करण्यात आला. हट्टा पोलिसांनी घटनेचे गांभिर्य लक्षात घेऊन तपासचक्र फिरवले असता लखन खाडे, प्रविण खाडे, प्रकाश खाडे या तिघांना ताब्यात घेण्यात आले.  

तर चौथा फरार असलेला विजय खाडे याला २० ऑगस्ट गुरूवार रोजी जवळा बाजार येथून ताब्यात घेण्यात आले. या चारही आरोपींना न्यायालयात हजर केले असता २४ ऑगस्ट पर्यंत चार दिवसाची पोलिस कोठडी सुनावल्याची माहिती सहाय्यक पोलिस निरीक्षक संदिप बोरकर यांनी दिली. विशेष म्हणजे चार आरोपी पैकी तिघेजण विवाहित असल्याची माहिती सुध्दा पोलिसांना प्राप्त झाली आहे.