हिंगोली (Hingoli illegal liquor sale) : राज्य उत्पादन शुल्क हिंगोली विभागाने २३ ते २५ मे २०२६ या कालावधीत जिल्हाभरात अवैध दारूविक्री आणि वाहतुकीविरोधात विशेष मोहीम राबवली. या मोहिमेत निरीक्षक मोहन मातकर, भरारी पथक निरीक्षक रमेश चाटे, दुय्यम निरीक्षक हिंगोली बिट क्र. १, २, ३ यांच्या पथकाने औंढा तालुका व परिसरात अवैध मध्य विक्री व वाहतुकीविरोधात छापे टाकले. या (Hingoli illegal liquor sale) कारवाईत एकूण २१ आरोपींविरुद्ध महाराष्ट्र दारूबंदी कायदा १९४९ चे कलमान्वये गुन्हे नोंद करण्यात आले.
कारवाईदरम्यान देशी मद्याच्या १८० मिलीच्या ४८५ बाटल्या, ११.५० लिटर हातभट्टी दारू आणि २ दुचाकी वाहने असा एकूण १ लाख ६५ हजार ५३० रुपये किमतीचा मुद्देमाल हस्तगत करण्यात आला. अधीक्षक आदित्य पवार यांच्या मार्गदर्शनाखाली पार पडलेल्या या मोहिमेत दुय्यम निरीक्षक टी. बी. शेख, कृष्णकांत पुरी, प्रदीप गोणारकर, ज्योती गुट्टे यांच्यासह स. दु. नि. कांबळे, जवान आडे, राठोड, चव्हान, दिनेश राठोड, टेके, वाहनचालक वाघमारे व इतर कर्मचाऱ्यांनी सहभाग घेतला. जिल्ह्यात (Hingoli illegal liquor sale) अवैध दारूविक्री करणाऱ्यांवर यापुढेही कडक कारवाई सुरू राहील, असे विभागाकडून स्पष्ट करण्यात आले आहे.
