लाचलुचपत प्रतिबंधक विभागाने मोठी कारवाई करत मोताळा पंचायत समितीतील कंत्राटी ग्रामीण गृहनिर्माण अभियंता सचिन शुधन इंगळे (वय ३३) याला २० हजार रुपयांची लाच घेताना रंगेहाथ अटक केली.
प्रधानमंत्री आवास योजनेच्या कामासाठी २५ हजारांची मागणी; तडजोडीनंतर २० हजार स्वीकारताना सापळा
बुलढाणा (PMAY Scam) : लाचलुचपत प्रतिबंधक विभागाने मोठी कारवाई करत मोताळा पंचायत समितीतील कंत्राटी ग्रामीण गृहनिर्माण अभियंता सचिन शुधन इंगळे (वय ३३) याला २० हजार रुपयांची लाच घेताना रंगेहाथ अटक केली. प्रधानमंत्री आवास योजनेअंतर्गत मंजूर घरकुलाच्या दुसऱ्या हप्त्यासाठी २५ हजार रुपयांची मागणी करण्यात आली होती. तडजोडीनंतर २० हजार रुपये स्वीकारताना पिंपळगाव राजा-मोताळा रोडवरील फुली फाटा येथे सापळा रचून कारवाई करण्यात आली. आरोपीविरुद्ध भ्रष्टाचार प्रतिबंधक कायद्यानुसार गुन्हा दाखल करण्यात आला आहे.