Young farmers Suicide: पिंपरी येथील सचिन बबनराव धांडे या 27 वर्षीय शेतकऱ्याने कर्ज व शेतातील नापिकीमुळे घरात गळफास घेऊन आत्महत्या केली. पोलिसांनी घटनास्थळी भेट दिली.
आखाडा बाळापूर (Young farmers Suicide) : कळमनुरी तालुक्यात शेतकरी आत्महत्या सत्र सुरुच आहे. तालुक्यातील पिंपरी येथील युवा शेतकऱ्याने स्वतः च्या घरी गळफास घेऊन आत्महत्या केली. याबाबत सायंकाळी शनिवारी आखाडा बाळापूर पोलीस स्थानकात अकस्मात नोंद करण्यात आली आहे.
याबाबत मिळालेल्या माहितीनुसार पिंपरी येथील सचिन बबनराव धांडे (वय 27वर्षे) यांनी 3एप्रिल रात्री दहा वाजण्याच्या सुमारास राहत्या घरात कर्जाला कंटाळून व निसर्गाच्या चक्रामुळे शेतातील नापिकीमुळे स्वतःच्या घरी गळफास लावून (Young farmers Suicide) आत्महत्या केली. गणेश बबनराव धांडे माहितीवरून अकस्मात नोंद करून घटनास्थळी पोलीस निरीक्षक विष्णुकांत गुठ्ठे, पोलीस उपनिरीक्षक गणेश गोटके, पोलीस पथकाने भेट दिली. मयत सचिन बबनराव धांडे शेती बरोबर सामाजिक राजकीय क्षेत्रात सक्रिय होते ते शिवसेना शेवाळा सर्कल प्रमुख म्हणून कार्यरत होते.