खासदार रामरावजी वडकुते यांनी घेतली केंद्रीय मंत्री नितीन गडकरी यांची सदिच्छा भेट

हिंगोली (MP Ramraoji Vadkute) : राज्यसभेवर निवड झाल्यानंतर नवनिर्वाचित खासदार रामरावजी वडकुते (MP Ramraoji Vadkute) यांनी आज नवी दिल्ली येथे केंद्रीय रस्ते वाहतूक व महामार्ग मंत्री नितीनजी गडकरी (Nitin Gadkari) यांची सदिच्छा भेट घेतली. खासदारपदी निवड झाल्याबद्दल गडकरी यांनी वडकुते यांचे पुष्पगुच्छ देऊन अभिनंदन केले व संसदीय कारकिर्दीसाठी शुभेच्छा दिल्या. यावेळी दोन्ही नेत्यांमध्ये मतदारसंघातील प्रलंबित रस्ते, महामार्ग तसेच पायाभूत सुविधांच्या विकासकामांबाबत सविस्तर व सकारात्मक चर्चा झाली. 

राज्यसभेवर निवड झाल्यानंतर वडकुते (MP Ramraoji Vadkute) यांची ही गडकरी यांच्यासोबतची पहिलीच भेट असल्याने राजकीय वर्तुळात या भेटीला विशेष महत्त्व प्राप्त झाले आहे. या भेटीमुळे जिल्ह्यातील रखडलेल्या विकासकामांना गती मिळेल, अशी अपेक्षा व्यक्त केली जात आहे. दरम्यान, भेटीनंतर प्रसारमाध्यमांशी बोलताना खासदार वडकुते यांनी गडकरी (Nitin Gadkari) यांच्या मार्गदर्शनाखाली मतदारसंघाच्या सर्वांगीण विकासासाठी कटिबद्ध असल्याचे सांगितले.