लातूरमध्ये कव्हेकरांचे अनोखे आंदोलन!

लातूर (Latur Andolan) : काँग्रेसने मनपाची सत्ता मिळवताच टक्केवारीसाठी शहराच्या विकासकामात खोडा घालण्याचे काम केले. लातूर व लातूरकरांशी काहीच देणे घेणे नसलेल्या मनपातील निष्क्रिय सत्ताधाऱ्यामुळे लातूरकरांवर दूषित पाणी पिण्याची वेळ आली असून शहर बससेवाही देयक दिले नसल्यामुळे बंद पडल्याच्या निषेधार्थ भाजपाने सोमवारी लातूर महापालिकेत आंदोलन केले. काँग्रेसचे नेते माजी मंत्री आमदाराने देशमुख यांच्या पोस्टरला नळाला आलेल्या पिवळ्या पाण्याने भरलेल्या बाटल्यांची माळ घालत निषेध नोंदविला.

आमदार व त्यांच्या मनपातील सत्ताधारी पदाधिकाऱ्यांकडून लातूरकरांना वेठीस धरण्याचे काम होत असल्याचा आरोप करत शहरातील प्रश्न तात्काळ मार्गी न लागल्यास उपोषण करण्यात येईल, असा इशारा भाजपा शहर जिल्हाध्यक्ष अजित पाटील कव्हेकर यांनी यावेळी दिला. (Latur Andolan) कव्हेकरांच्या नेतृत्वाखाली शहर जिल्हा भाजपाच्यावतीने महापालिकेच्या प्रवेशद्वारावर हे आंदोलन करण्यात आले. या आंदोलनात देविदास काळे, अ‍ॅड. दीपक मठपती, सरचिटणीस संजय गिर, प्रविण कस्तुरे आदी सहभागी होते.

धनेगाव धरणात मुबलक पाणी उपलब्ध असूनही शहराला आठ ते दहा दिवसाआड पाणीपुरवठा होत असून तोही दूषित होत आहे. आहे. यामुळे लातूरकरांचे आरोग्य धोक्यात आलेले असल्याचे सांगून लातूर शहराला योग्य वेळेत व स्वच्छ पाणीपुरवठा व्हावा, अशी मागणी अजित पाटील कव्हेकर यांनी केली. शहर बससेवेचे देयक अदा न झाल्यामुळे ही सेवाही बंद झाली असल्याने सर्वसामान्य लातूरकरांना मोठी आर्थिक झळ बसून गैरसोय होवू लागली आहे. विशेष म्हणजे महिलांना बससेवा मोफत असल्याचा डांगोरा काँग्रेसकडून केला जातो. वास्तविक शहरातील सर्वच महिलांना मोफत बससेवा मिळत नसल्याचा दावा करत ही मोफत बससेवा शहरातील प्रत्येक महिलेला मिळावी, अशी मागणीही यावेळी करण्यात आली.
सदर मागण्या तात्काळ पूर्ण न झाल्यास महापालिकेच्या समोरच ७२ तास उपोषण करण्यात येईल, असा इशाराही  कव्हेकर यांनी यावेळी दिला. याप्रसंगी आंदोलनात सहभागी झालेल्या लोकप्रतिनिधी, पदाधिकारी व कार्यकर्त्यांनी शहराचे निष्क्रिय आमदार व मनपातील सत्ताधाऱ्यांविरोधात जोरदार घोषणाबाजी केली.

या (Latur Andolan) आंदोलनात रविशंकर जाधव, शोभाताई पाटील, शिला पाटील, विनय जाकते, ऋषिकेश राजे, गणेश गवारे, भीमाशंकर बेंबळकर, ज्योती आवस्कर, मंडळ अध्यक्ष राहुल पाटील, सुरेश जाधव, राहुल भूतडा, निर्मलाताई कांबळे, ओम धरणे, पवन आल्टे, मुन्ना हाशमी, किशन बडगिरे, लक्ष्मण खरटमोल, प्रमोद गुडे, किशोर शिंदे, शिक्षक आघाडी प्रमुख मारुती सूर्यवंशी यांच्यास पक्षाचे पदाधिकारी, कार्यकर्ते मोठ्या संख्येने उपस्थित होते.