हिंगोलीत एक दिवस टँकर बंद आंदोलन; दरवाढीची मागणी

हिंगोली (Hingoli Tanker Bandh) : शहरामधील निर्जळीमुळे अनेक नागरीक खासगी टँकरव्दारे पाणी उपलब्ध करून घेत असतात. टँकरचालकाना दूरवरून पाणी आणावे लागत असल्याने दरवाढीच्या मागणीसाठी बुधवारी एक दिवसासाठी टँकर बंद आंदोलन केल्याने अनेकांची पाण्या वाचून तारांबळ उडाली.

हिंगोली शहरामध्ये सिध्देश्वर धरणातून पाणी पुरवठा केला जातो. कधी अवकाळी पाऊस तर कधी तांत्रिक कारणावरून अधून मधून पाणी पुरवठा खंडीत होतो. हिंगोली शहरात जवळपास १० ते ११ दिवसानंतर पाणी पुरवठा केला जात आहे. त्यामुळे अनेक नागरीक खासगी टँकरच्या माध्यमातून पाणी उपलब्ध करून गरज भागवत असतात. यापूर्वी हिंगोली शहराजवळील काही अंतरावर टँकर चालकांना पाणी उपलब्ध होत होते.

त्यासाठी ज्या ठिकाणाहून टँकर भरून घेतले जाते त्या ठिकाणी मोठ्या (Hingoli Tanker Bandh) टँकरसाठी ३०० रुपये तर छोट्या टँकर करीता १०० रुपये मोजावे लागत होते. अशा परिस्थितीत शहरात मोठे टँकर ६०० ते ७०० रुपये आणि छोटे टँकर २०० ते २५० रुपये दराने नागरीकांनी उपलब्ध करून दिले जात होते. उन्हाळा तीव्र झाल्याने अनेक ठिकाणची पाणी पातळी खालावली. त्यामुळे टँकर चालकांना आता जवळच्या अंतरावर पाणी उपलब्ध होत नसल्याने जवळपास ८ ते १० कि. मी. अंतरावर जाऊन पाणी घ्यावे लागत आहे.

सदर ठिकाणचेही दर वाढविल्याने त्यांना अधिकचे पैसे मोजावे लागत आहे. त्यामुळे (Hingoli Tanker Bandh) टँकर चालकांना मोठ्या टँकरसाठी ८०० ते १००० हजार रुपये आणि लहान टँकरकरीता ३०० ते ३५० दरवाढ अपेक्षित आहे. यामुळे हिंगोली शहरासह परिसरातील टँकर चालकांनी २९ एप्रिल बुधवार रोजी दिवसभर टँकर बंद ठेवल्याने निर्जळी दरम्यान पाण्यासाठी अनेकांची तारांबळ उडाली.