हिंगोली शहरातील गटारीवरील अनेक ठिकाणचे फुटले ढापे

हिंगोली (Hingoli Municipality) : शहरातील विविध ठिकाणच्या गटारीवरील  विविध ठिकाणी ढापे फुटल्यामुळे अपघात होण्याची शक्यता नाकारता येत नाही. त्यामुळे (Hingoli Municipality) नगरपालिका प्रशासनाने याकडे लक्ष घालावे, अशी मागणी नागरिकांतून होत आहे. 

शहरातील इंदिरा चौक ते अग्रसेन चौक यादरम्यान असलेल्या रस्त्यालगत नालीवर विविध ठिकाणी सिमेंटचे धापे बसविण्यात आले होते. परंतु विविध ठिकाणचे ढापे आता तुटले असून नालीत पडले आहेत. त्यामुळे अपघात होण्याची दाट शक्यता नाकारता येत नाही. या नाल्यावर पुन्हा नवीन ढापे टाकण्यात यावे, अशी मागणी नागरिकांच्या वतीने करण्यात येत आहे.