हिंगोली येथील मिनी मंत्रालय म्हणून ओळखल्या जाणाऱ्या जिल्हा परिषदेत मागील महिन्यात कर्मचाऱ्यांना साधना सप्ताहात आयगॉटचे प्रशिक्षण देण्यात आले.
हिंगोली (Hingoli Zilla Parishad) : हिंगोली येथील मिनी मंत्रालय म्हणून ओळखल्या जाणाऱ्या जिल्हा परिषदेत मागील महिन्यात कर्मचाऱ्यांना साधना सप्ताहात आयगॉटचे प्रशिक्षण देण्यात आले. यामध्ये 95 टक्के कर्मचाऱ्यांनी ऑनलाईन प्रशिक्षण घेतल्याने हिंगोली जिल्हा परिषद राज्यात अव्वल स्थान पटकावले आहे.
राज्यातील सर्वच जिल्हा परिषद, जिल्हा कचेरी यासह पंचायत समिती मध्ये कर्मचाऱ्यांना प्रशिक्षण देण्यात आले. जिल्हाधिकारी राहुल गुप्ता, जिल्हा परिषदेचे सीईओ विवेक गायकवाड यांच्या मार्गदर्शनाखाली सर्वच विभागातील अधिकारी, कर्मचाऱ्यांनी ऑनलाईन प्रशिक्षण घेताना येणाऱ्या आवाहनाला सामोरे जात प्रशिक्षण पूर्ण केले. त्यामुळे हिंगोली जिल्हा परिषदेने राज्यात अव्वल कामगिरी बजावली आहे. त्याबद्दल मुख्य कार्यकारी अधिकारी विवेक गायकवाड यांचा सोमवारी जिल्हा परिषदेच्या अधिकारी, कर्मचारी यांच्या वतीने सत्कार करण्यात आला.
यावेळी सामान्य अतिरिक्त सीईओ डॉ. सुधीर ठोंबरे, प्रकल्प संचालक नामदेव केंद्रे, सामान्य प्रशासन विभागाच्या उपमुख्य कार्यकारी अधिकारी समृद्धी दिवाने, यांच्यासह विभागातील पी. व्ही. घंटाराम, उदय देशपांडे, प्रफुल खंदारे, दत्ता वाघमारे, संदीप अन्नदाते, प्रवीण काळबांडे, सिद्दीकी, परिहार, अनिकेत सोनटक्के, जी. एम. बोथीकर, पवार, सातोनकर, मस्के, तुकाराम हमाने, विवेक दळवी, आदींची उपस्थिती होती.