हिंगोली पालिकेच्या कचरा डेपोची उफाळली आग

हिंगोली (Hingoli Municipal Fire) : शहराजवळील लिंबाळा मक्ता भागामध्ये नगर परिषदेचा कचरा डेपो असुन २२ मार्चला या कचरा डेपोला आग लागली होती. आग विझविण्याकरीता हिंगालीसह कळमनुरी, वसमत, सेनगाव या नगर परिषद, नगर पंचायतीच्या अग्निशमन दलाला पाचारण केले होते. ही आग धुमसत असताना पुन्हा एकदा ही आग उफाळल्याने शेकडो झाडे व विलगीकरण केलेला कचराही जळाला आहे. 

२२ मार्चला नगर पालिकेच्या कचरा डेपोला आग लागली होती. जवळपास ४० ते ५० वेळा अग्निशमन दलाच्या बंबाने पाण्याचा मारा करून ही आग विझविली होती. कचरा डेपोला लागलेली आग पुर्णत: विझल्याचा दावाही स्वच्छता विभागाने केला होता. परंतु ही (Hingoli Municipal Fire) आग अधून मधून धुमसत असताना ६ एप्रिल सोमवार रोजी पुन्हा एकदा ही आग उफाळून आल्याने अग्निशमन दलाचे बंब पाठविण्यात आले. 

दरम्यान या (Hingoli Municipal Fire) आगीमध्ये कचरा डेपोमध्ये लावण्यात आलेले शेकडो वृक्ष जळाले. तसेच जवळपास २ कोटी रुपये खर्चातून तयार करण्यात आलेले बायोगॅस व विलगीकरण केलेला कचराही जळाल्याने याला जबाबदार कोण ? असा प्रश्न उपस्थित केला जात आहे.