फेटरी–गोंडखैरी बायपासवर भीषण अपघात

कळमेश्वर (Fetary-Gondkhairi accident) : कळमेश्वर पोलीस स्टेशन हद्दीतील  फेटरी–गोंडखैरी बायपास रोडवरील खडगाव परिसरात दिनांक  ११ मे २०२६ सोमवारी सायंकाळी साडेपाच वाजताच्या सुमारास दोन चारचाकी वाहनांमध्ये भीषण अपघात होऊन एका व्यक्तीचा मृत्यू तर चार जण जखमी झाल्याची घटना घडली.

मिळालेल्या माहितीनुसार, झायलो गाडी क्रमांक एमएच 14 डीएक्स 1653 व अर्टिगा गाडी क्रमांक एमएच 49 एई 2924 यांच्यात जोरदार धडक झाली. या अपघातात इरफान उल्हा खान (वय 55), रा. हाऊस नं. 1202, बाबा दर्गा, बंगाली पंजा, इतवारी, नागपूर यांचा मृत्यू झाला. तर अन्य चार जण जखमी झाले असून त्यांना उपचारासाठी नागपूर येथील विविध रुग्णालयांमध्ये दाखल करण्यात आले आहे. (Fetary-Gondkhairi accident) अपघात नेमका कशामुळे झाला, याचे कारण अद्याप स्पष्ट होऊ शकले नसून पोलिस पुढील तपास करीत आहेत.