मतदार संघाच्या विकासासाठी कटिबद्ध - आ. सईताई डहाके

१ कोटी ४५ लक्ष रुपयांचा भूमिपूजन सोहळा उत्साहात! 

कारंजा (Bhoomipujan Ceremony) : मानोरा विधानसभा मतदार संघाचा सर्वांगीण विकास करण्यासाठी मी आणि धर्मगुरु आ. बाबुसिंग महाराज कटिबद्ध असल्याची ग्वाही आ. सईताई प्रकाश डहाके यांनी आसोला खुर्द येथे आयोजीत कार्यक्रमात दिली. यावेळी भाजपा पदाधिकारी, कार्यकर्ते व विकास प्रेमी बांधवांच्या उपस्थितीत तालुक्यातील चार गावात १ कोटी ४५ लक्ष रुपयाच्या विकास कामांचा भूमिपूजन सोहळा दि. १८ एप्रिल रोजी शनिवारला उत्साहात पार पडला.

यावेळी हिवरा येथे रस्ता ३५ की. मी. दर्जोन्नती, मजबुतीकरण व आर सी डब्ल्यू किंमत ४० लक्ष, आसोला खुर्द ते गव्हा रस्ता सुधारणा करणे ५५ लक्ष, अमाकिन्ही येथे ४१ की .मी. रस्ता पूलासह सुधारणा करणे ४० लक्ष व आमकिन्ही येथे सिमेंट काँक्रिट रस्ता बांधकाम करणे असे एकूण १ कोटी ४५ लक्ष रुपयांचा भूमिपूजन सोहळा आ. सईताई डहाके व आ. बाबुसिंग महाराज यांच्या हस्ते मान्यवरांच्या उपस्थितीत पार पडला. यावेळी पुढे बोलताना आ. डहाके म्हणाल्या की, बारस निमित्त परमहंस श्री सोहमनाथ महाराज यांच्या समाधीस्थळी यात्रेकरीता लाखो भाविकांना जाण्या येण्यासाठी एका रस्त्यावर वाहनाची वर्दळ जाणवत होती, त्यावेळी समस्त गावकरी मंडळीची निवडणूक काळात भेट घेऊन आसोला खुर्द ते गव्हा रस्ता सुधारणा करून देण्याचे आश्वासन दिले होते. आज त्या आश्वासनाची रस्ता काम मार्गी लाऊन परतफेड करून देत दिलेला शब्द पूर्णत्वास नेल्याचे आनंद होत आहे. यापुढेही लोकप्रिय मुख्यमंत्री देवेंद्र फडणवीस यांच्याकडून मतदार संघाचा सर्वांगीण विकास करण्यासाठी निधीची कमतरता भासू देणार नाही, अशी ग्वाही दिली. यावेळी दत्तराज डहाके, भक्तराज महाराज राठोड आदीसह इतरांनी आपले विचार व्यक्त केले.

याप्रसंगी कार्यक्रमाचे अध्यक्ष धर्मगुरु विधान परिषदेचे आ. बाबुसिंग महाराज होते. प्रमुख पाहुणे म्हणून माजी नगराध्यक्ष दत्तराज डहाके होते तर प्रमुख उपस्थितीत प्रदेश सहसंयोजक भक्तराज राठोड महाराज, मानोरा मंडळाचे भाजपा तालुका अध्यक्ष अरविंद इंगोले, पोहरादेवी मंडळाचे भाजपा तालुकाध्यक्ष गणेश जाधव, कौस्तुभ डहाके, खरेदी विक्री संघाचे उपाध्यक्ष महादेवराव ठाकरे, वैद्यकीय सेलचे जिल्हाध्यक्ष डॉ. अविनाश लोथे, भाजपा युवा मोर्चा जिल्हा उपाध्यक्ष मित्तल धोटे, जिल्हा कार्यकारिणी सदस्य डॉ अरविंद यावलकर, अनुसूचित जाती सेलचे तालुकाध्यक्ष मनोज खडसे, सरचिटणीस तथा सहसंयोजक प्रवीण धोटे, दिलीप चव्हाण, प्रा. हेमंत देशमुख, माजी गटनेता गोपाल भोयर, सामाजिक कार्यकर्ता वसंतराव राठोड, सरपंच्या सौ निकिता राठोड, सदस्या सौ रजनी हांडे, उपसरपंच बादल राठोड, शामराव नाईक, मोहन नाईक, माजी प्राचार्य संजय हांडे, मिलिंद देशमुख, माजी सरपंच भिमराव राठोड,  वाईगोळ ग्राम पंचायतचे माजी सरपंच जयसिंग भासू राठोड, भाजपा पोहरादेवी मंडळ सदस्य पंडीत जाधव, पोहरादेवीचे शासकीय ठेकेदार भिकासिंग चव्हाण, सामाजिक कार्यकर्ता पुंडलिक राठोड, रतीराम राठोड, निखिल अंभोरे, दिनेश राठोड, संतोष ढवळे, महिंद्रा राठोड, अर्जुन साबळे, राम राठोड, मनोज चव्हाण, नरेश खत्री, अन्सार मितया, सुनील देशमुख कोंडोलीकर, यांसह भाजपाचे पदाधिकारी, कार्यकर्ते, गावकरी मंडळी व विकास प्रेमी बांधवांची मोठ्या संख्येने उपस्थित होते.