औंढा नागनाथ येथील शिक्षण विभागाला मिळाल्या प्रश्नपत्रिका

औंढा नागनाथ (Education Department) : येथील पंचायत समितीच्या शिक्षण विभागातील गट साधन केंद्राला आग लागून संकलित मूल्यमापन चाचणीचे  १२ हजार पेपर जळाल्याची घटना  ८ एप्रिल रोजी सकाळी उघडकीस झाली होती त्यानंतर गटशिक्षण अधिकारी शेख तोफिक यांनी वरिष्ठांच्या मार्गदर्शनाखाली पाठपुरावा करून  राज्य शैक्षणिक संशोधन व प्रशिक्षण परिषद पुणे येथून पुन्हा प्रश्नपत्रिका पेपर मागवण्यात आले. सदरील (Education Department) प्रश्नपत्रिका चे पेपर १० एप्रील रोजी सकाळी नऊ वाजता औंढा नागनाथ येथील गट साधन केंद्रात प्राप्त झाल्या.

औंढा नागनाथ गटशिक्षणाधिकारी शेख तोफिक यांच्या मार्गदर्शनाखाली कर्मचाऱ्यांनी संकलित मूल्यमापन चाचणीच्या प्रश्नपत्रिका औंढा नागनाथ तालुक्यातील सहा केंद्रातील केंद्रप्रमुखांना सकाळी ११ वाजता वाटप केल्या. आता (Education Department) विद्यार्थ्यांची मूल्यमापन चाचणी परीक्षा सुरळीत पार पडणार आहेत.