Anganwadi Dead Body: अंजनवाडी शिवारातील कॅनलमध्ये ३२ वर्षीय राहुल चव्हाण यांचा मृतदेह आढळून आला. पोलिसांनी तात्काळ घटनास्थळी धाव घेतली व तपास सुरु केला आहे.
औंढा नागनाथ (Anganwadi Dead Body) : तालुक्यातील अंजनवाडी शिवारातून वाहणार्या कॅनलमध्ये ३२ वर्षीय व्यक्तीचा दिनांक २७ एप्रिल रोजी सकाळी साडेसात वाजे दरम्यान मृतदेह आढळून आला आहे माहिती मिळताच औंढा नागनाथ पोलीस घटनास्थळी दाखल झाले व यानंतर पंचनामा करण्यात आला आहे.
राहुल गोपीनाथ चव्हाण (३२) रा. लोहरा खुर्द असे मृतदेह आढळून आलेल्या व्यक्तीचे नाव आहे. राहुल चव्हाण हे मिसिंग असल्या प्रकरणी औंढा नागनाथ पोलिसांना दिनांक २६ एप्रिल रोजी मिसिंग दाखल आहे यानंतर शोध घेतला असता २६ एप्रिल रोजी गोळेगाव जवळ कॅनॉल लगत सदरील व्यक्तीची दुचाकी व चप्पल आढळून आली यानंतर २७ एप्रिल रोजी सदरील व्यक्तीचा अंजनवाडी जवळ कॅनल मध्ये तरंगताना मृतदेह आढळला माहिती मिळताच सहाय्यक पोलीस निरीक्षक कैलास भगत, पोलीस उपनिरीक्षक दत्ता कानगुले, जमादार इमरानोद्दीन सिद्दिकी, जमादार वसीम पठाण, अंबादास बेले यांनी तात्काळ घटनास्थळी धाव घेऊन पंचनामा करत मृतदेह (Anganwadi Dead Body) औंढा नागनाथ येथील ग्रामीण रुग्णालयात उत्तरीय तपासणीसाठी आणण्यात आला होता यानंतर मृतदेहाची उत्तरीय तपासणी करून मृतदेह नातेवाईकांच्या ताब्यात देण्यात आला आहे. घटनेप्रकरणी औंढा नागनाथ पोलीस ठाण्यात अद्याप नोंद झाली नसून पोलीस पुढील तपास करत आहेत.