14 वर्षीय मुलाचा कन्हान नदीत बुडून मृत्यू

कन्हान (Kanhan Youth Death) : नदीच्या पिपरी घाटाकडील नदी पात्रात आंघोळीला गेलेल्या मित्रापैकी लक्की बोपचे या १४ वर्षीय मुलाचा बुडल्याने, त्यास कामठीला उपचारार्थ नेताना रस्त्यातच त्याचा मुत्यु झाला. 

काही मित्र आंघोळी करिता गेले असता, सायंकाळी ५ वाजता दरम्यान कन्हान शहराला पाणी पुरवठा योजनेच्या ढोल्या कडील पिपरी घाटाच्या कन्हान नदीच्या पात्रात दोन मुले बुडु लागल्याचे पाहुन नदीपात्रा वाडीमध्ये असलेल्या भोई समाजाच्या व्यक्तीने धावुन एकाला वाचविले, तर दुसरा शिवनगर कन्हान येथील इयत्ता ८ वी मध्ये शिक्षण घेत असलेल्या लक्की शंकर बोपचे वय १४ वर्ष या मुलास नदी पात्रातुन बाहेर काढुन कामठी येथील रूग्णालयात नेताना रस्त्यातच त्याचा (Kanhan Youth Death) मुत्यु झाला.

माहिती मिळताच, कन्हान व कामठी पोलीस पोहचुन पंचनामा करून ग्रामिण उपजिल्हा रूग्णालय कामठी येथे (Kanhan Youth Death) मृतदेह शवविच्छेदन करिता शीतगृहात ठेवण्यात आला. कन्हान पोलीसानी वडील शंकर बोपचे यांनी दिलेल्या माहितीनुसार, गुन्हा दाखल करून पुढील तपास करीत आहे.