Hingoli Virat Mukade: नाशिक येथे आयोजित राज्यस्तरीय अथलेटिक्स स्पर्धेत हिंगोलीच्या विराट मुकाडे यांनी 60 मिटर धावणे प्रकारात दुसरा स्थान पटकावून सिल्व्हर मेडल जिंकला.
हिंगोली (Hingoli Virat Mukade) : नाशिक येथे पार पडलेल्या राज्यस्तरीय अथलेटिक्स स्पर्धेत हिंगोली येथील विराट मुकाडे यांनी 60 मिटर धावणे या क्रीडा प्रकारात उत्कृष्ठ कामगिरी बाजावत सिल्व्हर मेडल पटकावत दुसऱ्या स्थानावर झेप घेतली.
हिंगोली येथील विराट रमेशचंद्र मुकाडे (Hingoli Virat Mukade) हा उद्योनमुख खेळाडू असून आजपर्यंत अनेक पारितोषिक पटकावले आहेत. नुकत्याच 26 जानेवारी येथे पालकमंत्री नरहरी झिरवाळ यांच्या हस्ते पारितोषिक प्रदान करण्यात आले. उत्कृष्ठ धावपट्टू म्हणून तो जिल्ह्याचे नाव लोकीक करणार आहे. त्यानुसार नाशिक येथे दोन व तीन मे रोजी नाशिक अथलेटिक्स फाउंडेशन तर्फे आयोजित चौथ्या महाराष्ट्र राज्यस्तरीय अथलेटिक्स स्पर्धा विभागीय क्रीडा संकुलात पार पडल्या. यामध्ये बारा वर्ष वयोगटात 60 मिटर धावणे या क्रीडा प्रकारात विराट मुकाडे यांनी चमकदार कामगिरी करीत दुसरा क्रमांक पटकावला त्याबद्दल त्याला सिल्व्हर मेडल, प्रमाण पत्र देऊन संस्थेच्या वतीने गौरव करण्यात आले. आता सहा मे रोजी पुणे येथील क्रीडा प्रबोधिनी येथे निवड चाचणी साठी विराट मुकाडे याची निवड झाली आहे.
त्याच्या या उत्कृष्ठ कामगिरी बद्दल जिल्हाधिकारी राहुल गुप्ता, अप्पर जिल्हाधिकारी महेंद्र कुमार कांबळे, अनिल माचेवाड, अप्पासाहेब पाटील, अभिमन्यू बोधवड, क्रीडा अधिकारी बोथीकर, यांच्यासह अधिकारी, कर्मचाऱ्यांनी अभिनंदन करून पुढील वाटचालीसाठी शुभेच्छा दिल्या.