क्रिकेटविश्वासाठी अभिमानाचा क्षण; हरमनप्रीत कौर पद्मश्रीने सन्मानित

नवी दिल्ली (Padma Awards 2026) : राष्ट्रपती द्रौपदी मुर्मू (President Draupadi Murmu) यांनी सोमवारी नवी दिल्लीत आयोजित एका भव्य समारंभात देशातील नामांकित क्रीडा व्यक्तिमत्त्वांना प्रतिष्ठेचा पद्मश्री पुरस्कार प्रदान केला. यावर्षी जानेवारीमध्ये जाहीर झालेल्या या पुरस्कारांच्या यादीत नऊ क्रीडा दिग्गजांचा समावेश होता, ज्यांना देशाचा चौथा सर्वोच्च नागरी सन्मान प्रदान करण्यात आला.

राष्ट्रपती भवनात आयोजित या विशेष नागरी पुरस्कार सोहळ्यात, राष्ट्रपती द्रौपदी मुर्मू (President Draupadi Murmu) यांनी भारतीय महिला क्रिकेट संघाची कर्णधार हरमनप्रीत कौर (Harmanpreet Kaur) यांना क्रीडा क्षेत्रातील त्यांच्या उत्कृष्ट योगदानाबद्दल पद्मश्री पुरस्कार (Padma Awards 2026) प्रदान केला. महिला क्रिकेटला नव्या उंचीवर नेणाऱ्या हरमनप्रीत आणि पॅरालिम्पिक खेळांमध्ये देशाला गौरव मिळवून देणारे सुवर्णपदक विजेते पॅरा-उंच उडीपटू प्रवीण कुमार यांनाही या सन्मानाने गौरविण्यात आले.

या वर्षीच्या पद्म पुरस्कारांसाठी (Padma Awards 2026) क्रीडा श्रेणीत निवडलेल्या नऊ प्रमुख व्यक्तींमध्ये, भारतीय पुरुष क्रिकेट संघाचा स्फोटक खेळाडू रोहित शर्मा (Rohit Sharma) याचे नाव प्रामुख्याने आहे. हरमनप्रीत सिंग यांचा राष्ट्रपतींसोबतचा एक व्हिडिओ समोर आला, पण त्यात रोहित शर्मा दिसले नाही. ते रविवारी मुंबईतील वानखेडे स्टेडियमवर राजस्थान रॉयल्सविरुद्ध खेळत होते.

इतर खेळांतील खेळाडूंच्या नावांचाही समावेश

यावर्षी क्रीडा जगतातून (Padma Awards 2026) पद्म पुरस्कारांसाठी निवडलेल्या खेळाडूंमध्ये पॅरालिम्पिक सुवर्णपदक विजेता उंच उडीपटू प्रवीण कुमार, तसेच हॉकीपटू सविता पुनिया आणि बलदेव सिंग यांचा समावेश होता. मार्शल आर्ट्ससाठी भगवानदास रायकवार यांची निवड झाली. तथापि, आज त्या सर्वांना पुरस्कार प्रदान करण्यात आले नाहीत. ज्यांची नावे आजच्या सोहळ्यात समाविष्ट होती, त्यांना राष्ट्रपतींच्या हस्ते वैयक्तिकरित्या पुरस्कार प्रदान करण्यात आले.