अभिनेत्री सोनाली बेंद्रे अडचणीत, पतीवर फसवणुकीचा आरोप

मुंबई (Actress Sonali Bendre) : बॉलिवूड अभिनेत्री सोनाली बेंद्रेचे (Sonali Bendre) पती गोल्डी बहल (Goldie Behl) यांच्याबाबत एक धक्कादायक बातमी समोर आली आहे. पुण्यातील मावळ येथील वडगाव दिवाणी न्यायालयात जमिनीच्या वादावरून त्यांच्याविरोधात गुन्हा दाखल करण्यात आला आहे. त्यांच्यावर फसवणूक आणि कायदेशीर नियमांचे उल्लंघन केल्याचा आरोप आहे. स्थानिक शेतकरी चंद्रकांत शिंदे यांनी बहल यांच्यावर हे आरोप केले आहेत.

त्यांचा दावा आहे की, गोल्डी बहल (Goldie Behl) यांनी खरेदी केलेल्या जमिनीवर 1957 पासून त्यांच्या कुटुंबाचे वडिलोपार्जित हक्क आहेत आणि त्या हक्कांकडे दुर्लक्ष करून ही खरेदी बेकायदेशीरपणे करण्यात आली आहे. मात्र, सोनाली बेंद्रे (Sonali Bendre) आणि तिच्या वकिलांनी हे आरोप फेटाळून लावले आहेत. अभिनेत्रीचे म्हणणे आहे की, कोणत्याही सरकारी कागदपत्रांवर किंवा जमीन खरेदी-विक्रीच्या कागदपत्रांवर तिचे नाव नाही आणि हे आरोप पूर्णपणे निराधार असून केवळ पैसे उकळण्याच्या उद्देशाने करण्यात आले आहेत.

मावळ दिवाणी न्यायालयात गोल्डी बहल यांच्याविरोधात याचिका

शेतकऱ्याने या प्रकरणी वडगाव मावळ दिवाणी न्यायालयात याचिका दाखल केली आहे. त्याचा दावा आहे की, 1957 पूर्वी उकसान येथील 30 गुंठे (सुमारे 32,000 चौरस फूट) जमिनीवर त्याचे कायदेशीर हक्क होते. विवादित जमिनीवर बेकायदेशीरपणे बांधकाम करण्याचे प्रयत्न झाले असून, त्याच्या कुटुंबाला धमक्या देण्यात आल्या आहेत. शेतकऱ्याने या जमिनीवर स्थगिती आदेशासाठी न्यायालयाकडे विनंती केली आहे. शिंदे (Sonali Bendre) यांनी या प्रकरणात सोनाली बेंद्रे, गोल्डी बहल (Goldie Behl) आणि इतर दोन व्यक्तींना पक्षकार म्हणून सामील केले आहे. न्यायालयाने पुढील सुनावणीची तारीख 20 एप्रिल निश्चित केली आहे.

सोनाली आणि गोल्डी यांचे 2002 मध्ये लग्न

'द्रोणा' हा त्यांचा दुसरा चित्रपट होता, ज्यामध्ये फँटसी-ॲक्शन आणि स्पेशल इफेक्ट्सच्या माध्यमातून भारतीय पौराणिक कथा आणि शुद्ध कल्पनारम्यता यांचा मिलाफ झाला होता. गोल्डीने 12 नोव्हेंबर 2002 रोजी चित्रपट अभिनेत्री सोनाली बेंद्रेसोबत (Sonali Bendre) लग्न केले, या पॉवर कपलला रणवीर बहल नावाचा एक मुलगा आहे, ज्याचा जन्म 2005 मध्ये झाला.