Parbhani jewelery stolen: परभणी शहरातील अजिजीया नगरमध्ये फरशी बसविण्याचे काम सुरू असताना ९७ हजार रुपयांचे सोने-चांदीचे दागिने चोरीला गेले. कोतवाली पोलिसांनी गुन्हा दाखल केला आहे.
परभणी शहरातील अजिजीया नगरातील घटना कोतवाली पोलिस ठाण्यात गुन्हा दाखल...!
परभणी (Parbhani jewelery stolen) : शहरातील अजिजीया नगर परिसरात फरशी बसविण्याचे काम सुरू असताना घरातील कपाटातून ९७ हजार रुपयांचे सोन्या-चांदीचे दागिने चोरीला गेल्याची घटना समोर आली आहे. या प्रकरणी घरात काम करणार्या फरशी कामगार व त्याच्या लेबरवर संशय व्यक्त करण्यात आला असून कोतवाली पोलिस ठाण्यात गुरुवार ७ मे रोजी गुन्हा दाखल करण्यात आला आहे.
फिर्यादी शहनाजबी शेख एजाज यांनी दिलेल्या तक्रारीनुसार, त्यांच्या घरात फरशी बसविण्याचे काम सुरू होते. हे काम शफीक शेख जाफर याच्याकडे देण्यात आले होते. रविवार ३ मे रोजी सकाळी ८ वाजण्याच्या सुमारास फिर्यादी, त्यांचे पती, मुलगा व मुलगी कामानिमित्त बाहेर गेले होते. घरात फिर्यादीची सासू व मुलगा होते. दरम्यान, शफीक शेख जाफर व त्याचा लेबर मुज्जु अलीम हे घरात फरशीचे काम करीत होते. सायंकाळी ६ वाजता कुटुंबीय घरी परतल्यानंतर मुलीच्या लग्नासाठी विकत घेतलेले सोन्या-चांदीचे दागिने कपाटातून गायब असल्याचे निदर्शनास आले.
कपाटाची चावी वापरून (Parbhani jewelery stolen) दागिने चोरल्यानंतर कपाट पुन्हा जशास तसे ठेवण्यात आल्याचा संशय फिर्यादीने व्यक्त केला आहे. चोरीस गेलेल्या दागिन्यांमध्ये सोन्याचे गलसर, पोत व मणि, कानातील झुंबर तसेच चांदीची चैन असा एकूण ९७ हजार रुपयांचा मुद्देमाल असल्याचे तक्रारीत नमूद करण्यात आले आहे. या प्रकरणी शफीक शेख जाफर व त्याचा लेबर मुज्जु अलीम यांच्या विरोधात कोतवाली पोलिस ठाण्यात गुन्हा दाखल करण्यात आला आहे. घटनेची माहिती मिळताच पोलिस अधिकारी व कर्मचार्यांनी घटनास्थळी भेट देऊन पंचनामा केला असून पुढील तपास पोलिस करीत आहेत.