Groom committed suicide: सेनगाव तालुक्यातील वाघजाळी येथे लग्नाच्या दोन दिवसाआधी नवरदेव आनंदा गांधिले यांनी आत्महत्या केल्याने गावात शोक पसरला. त्याचे लग्न ७ मे रोजी होणार होते.
वाघजाळी गावावर शोककळा
सेनगाव (Groom committed suicide) : लग्नाच्या अवघ्या दोन दिवस आधी भावी नवरदेवाने गळफास घेऊन आत्महत्या केल्याची धक्कादायक घटना सेनगाव तालुक्यातील वाघजाळी येथे घडली आहे. या घटनेमुळे आनंदाच्या वातावरणात अचानक शोककळा पसरली असून संपूर्ण गाव सुन्न झाले आहे. मृत तरुणाचे नाव आनंदा हरिभाऊ गांधिले वय २७, व्यवसाय – शेती, रा. वाघजाळी, असे आहे. विशेष म्हणजे, दि. ७ मे रोजी त्याचा विवाह निश्चित झाला होता. घरात लग्नाची तयारी सुरू असतानाच आनंदा यांनी हे टोकाचे पाऊल उचलल्याने कुटुंबीयांवर दुःखाचा डोंगर कोसळला आहे.
पोलिसांनी दिलेल्या माहितीनुसार, आनंदा गांधिले यांनी त्यांच्या नव्याने सुरू असलेल्या घराच्या बांधकामस्थळी छतावरील फॅनच्या कडीला सूती दोरीच्या सहाय्याने गळफास घेत आत्महत्या केली. ही घटना दि. ४ मेच्या रात्री ते ५ मेच्या सकाळी दरम्यान घडल्याचा अंदाज आहे. सकाळी घटना उघडकीस येताच नातेवाईकांनी व ग्रामस्थांनी घटनास्थळी धाव घेतली. माहिती मिळताच गोरेगाव पोलीस ठाण्याचे पथक घटनास्थळी दाखल झाले. पंचनामा करून मृतदेह (Groom committed suicide) पुढील वैद्यकीय तपासणीसाठी पाठविण्यात आला असून आकस्मात मृत्यूची नोंद करण्यात आली आहे.
या (Groom committed suicide) प्रकरणी माहिती अमोल तुकाराम गांधिले पोलीस पाटील यांनी पोलिसांना दिली आहे. आत्महत्येमागील कारण अद्याप स्पष्ट झालेले नसून पोलिसांकडून विविध अंगांनी तपास सुरू आहे. पुढील तपास पोलीस उपनिरीक्षक राठोड यांच्या मार्गदर्शनाखाली सुरू आहे. दरम्यान, लग्नासाठी सजलेले घर आणि त्याच घराच्या बांधकामस्थळी घडलेली ही घटना गावकऱ्यांच्या मनाला चटका लावणारी ठरली आहे. आनंदाच्या स्वागतासाठी सजणारे घरच दुःखाचे केंद्र बनल्याने वाघजाळी परिसरात हळहळ व्यक्त केली जात आहे.