Kalamanuri Gambling Raid: कळमनुरी तालुक्यातील शेवाळा येथे पोलिसांनी जुगारावर छापा मारला, एकाला अटक केली तर सहा जण पसार झाले. घटनेवरून आखाडा बाळापूर पोलीस स्थानकात गुन्हा दाखल.
कळमनुरी तालुक्यातील शेवाळा येथील घटना
हिंगोली (Kalamanuri Gambling Raid) : कळमनुरी तालुक्यातील शेवाळा येथील नवीन प्लॉटींगमध्ये सुरु असलेल्या जुगारावर पोलिसांनी छापा मारला. यामध्ये ६ जुगारी पळाले तर पोलिसांनी एकाला जागेवरच ताब्यात घेतले.
शेवाळा येथे नवीन प्लॉटींगच्या जागेत जुगार अड्यावर पोलीस निरीक्षक विष्णुकांत गुठ्ठे ,पोलीस उपनिरीक्षक सुनील रोहीणकर,शेख अनसार, शिवाजी पवार, अरविंद जाधव, विजयकुमार जाधव पोलीस पथकाने छापा मारून दोन मोटार सायकलसह १लाख ३१ हजार ६३० मुद्देमाल जप्त केला. (Kalamanuri Gambling Raid) घटना स्थळावरून एकास ताब्यात घेतले तर सहा जण पसार झाले. याबाबत पोलीस कर्मचारी शेख अनसार फिर्यादीवरून प्रेम ईश्वरदास नरवाडे,दिपक इंगोले,सचिन नरवाडे, रतन नरवाडे व इतर ३ अनोळखी विरुद्ध आखाडा बाळापूर पोलीस स्थानकात गुन्हा दाखल करण्यात आला. यात एकास अटक करून समजपत्र देऊन सोडण्यात आले तर सहाजण पसार झाले आहे. पुढील तपास जोगदंड करत आहेत.