​गंभीर आजारांच्या शस्त्रक्रिया होणार मोफत; आ. भावनाताई गवळी यांची माहिती

महिला उत्कर्ष प्रतिष्ठान व आयुर्वेद महाविद्यालय मध्ये भव्य मोफत आरोग्य शिबिराचा शुभारंभ

पहिल्याच दिवशी ९१६ रुग्णांची तपासणी!

​रिसोड (Free Health Camp) : रिसोड जवळील पुंडलिक नगर (देगाव) येथे महिला उत्कर्ष प्रतिष्ठान व आयुर्वेद महाविद्यालय यांच्या संयुक्त विद्यमाने आयोजित भव्य मोफत रोगनिदान व आयुर्वेद पंचकर्म शिबिराला रुग्णांचा उत्स्फूर्त प्रतिसाद मिळाला आहे. शिबिराच्या पहिल्याच दिवशी तब्बल ९१६ रुग्णांची मोफत तपासणी करण्यात आली असून गरजू रुग्णांना औषधी व चष्म्यांचे मोफत वाटप करण्यात आले.

​या (Free Health Camp) शिबिराचे मुख्य आकर्षण म्हणजे सर्वसामान्यांना न परवडणाऱ्या वैद्यकीय सुविधा मोफत उपलब्ध करून देण्यात आल्या आहेत. साधारणपणे ५००० रुपये खर्च येणाऱ्या रक्ताच्या सर्व चाचण्या येथे विनामूल्य केल्या जात आहेत. तसेच, तपासणीनंतर ज्या रुग्णांना गंभीर आजार असल्याचे निदान होईल, त्यांच्यावर मुंबई, पुणे, संभाजीनगर येथील मोठ्या रुग्णालयांमध्ये मोफत शस्त्रक्रिया केली जाणार असल्याची घोषणा यावेळी करण्यात आली.

​शिबिरात नेत्र तपासणी, हाडांची तपासणी, हृदयरोग, सांधेदुखी, कंबरदुखी, आम्लपित्त, बद्धकोष्ठता, मधुमेह, लठ्ठपणा, थायरॉईड आणि जुन्या डोकेदुखीवर तज्ज्ञ डॉक्टरांनी मार्गदर्शन व उपचार केले. आयुर्वेद पंचकर्म विभागालाही रुग्णांनी मोठी पसंती दिली. तसेच स्त्री-रोग विभागांतर्गत गर्भाशयाचे आजार व पोटाच्या विकारांची सखोल तपासणी करण्यात आली.
​या (Free Health Camp) शिबिराप्रसंगी आमदार भावनाताई गवळी, जिल्हा शल्य चिकित्सक डॉ. अनिल कावरखे, डॉ. कड, जिल्हा शिवसेना सचिव नागेश घोपे, जिल्हा संघटक अनिल गरकल, बाजार समिती सभापती विष्णुपंत भुतेकर, उपसभापती ॲड. गजानन अवताडे, पत्रकार संघाचे अध्यक्ष सतीश मांदळे, नगर परिषद उपाध्यक्ष विष्णू कदम यांच्यासह मोठ्या संख्येने शिवसेना पदाधिकारी, नगरसेवक आणि शिवसैनिक उपस्थित होते. तपासणीनंतर ज्या रुग्णांना गंभीर आजार असल्याचे निदान होईल, त्यांच्यावर मुंबई, पुणे, संभाजीनगर येथील मोठ्या रुग्णालयांमध्ये मोफत शस्त्रक्रिया केली जाणार आहे ​"हे शिबिर १५ तारखेपर्यंत सुरू राहणार असून, गोरगरीब व गरजू रुग्णांनी एकाच छताखाली मिळणाऱ्या या आरोग्य सुविधांचा लाभ घ्यावा."
-आमदार भावनाताई गवळी (अध्यक्षा, महिला उत्कर्ष प्रतिष्ठान)