हिंगोलीच्या मोंढ्यात १३ हजार  ९०० रुपयाचा भाव

हिंगोली (Hingoli Bazar Samiti) : येथील कृषी उत्पन्न बाजार समितीत २६ मार्च ते ५ एप्रिल या कालावधीत शासकीय सुट्ट्या, नाणेटंचाई व मार्च एन्डचे लेखे पुर्ण  करण्यासाठी शेतीमालाचे लिलाव बंद होते. त्यानंतर  ६ एप्रिल सोमवार रोजी बाजार  समिती सुरु झाल्याने  येथे हळदीची २ हजार  २५० क्विंटल आवक  झाली  होती. हळदीला १३ हजार  ९०० रुपये क्विंटलचा भाव मिळाला. येथील बाजार समितीत (Hingoli Bazar Samiti) सलग ११ दिवस बंद असल्याने सोमवारी सुट्ट्या संपल्यावर  ती सुरु झाली. पहिल्याच दिवशी हळदीची  मोठ्या  प्रमाणावर आवक झाली  होती. २ हजार २५० क्विंटल हळद  विक्रीसाठी आली होती. हळदीला १३ हजार ९०० रुपयाचा भाव मिळाल्याने हळद  उत्पादकातून समाधान दिसून आले.

 मार्च महिन्यात  १७ तारखेला हळदीला १२ हजार ९५० रुपयाचा  भाव  मिळाला होता.  त्यानंतर पुढील काही दिवस हळदीचा लिलाव  झाला  नव्हता. नंतर सुट्ट्या आल्याने  बाजार  समितीमध्ये शेतमालाचे सर्वच लिलाव बंद ठेवण्यात आले  होते. सोमवार (Hingoli Bazar Samiti) बाजार समिती सुरु होण्यापूर्वीच एक दिवस अगोदरच शेतकर्‍यांनी  शेत माल विक्रीसाठी  आणला होता. यामध्ये तुर, सोयाबीन, हरभरा हा शेतमाल देखील विक्रीसाठी  आला  होता. यात सर्वाधिक हळदीची आवक झाली होती. मार्च महिन्यात  हळदीला  मिळालेल्या भावापेक्षा  भावात  थोडी वाढ झाल्याने हळद  उत्पादकातून समाधान मानले जात आहे. मात्र हळद  उत्पादकांना १५ हजाराच्या  वर हळदीला भाव मिळण्याची अपेक्षा अद्यापही कायम असल्याचे हळद उत्पादक  सांगत आहेत.