हिंगोली (Kalmanuri cow slaughter case) : हिंगोली जिल्ह्यातील कळमनुरी शहरात अवैध गोवंश हत्येचा मोठा प्रकार उघडकीस आला आहे. आर्थिक फायद्यासाठी गोवंशाची कत्तल करून मांस विक्री करणाऱ्या दोघांविरुद्ध कळमनुरी पोलिसांनी धडक कारवाई केली आहे. या कारवाईत 43 किलो गोमांस, कत्तलीसाठी बांधून ठेवलेला बैल आणि इतर साहित्य असा एकूण 62,320 रुपयांचा मुद्देमाल जप्त करण्यात आला आहे. पोलिसांना मिळालेल्या गुप्त माहितीनुसार, दिनांक 23 एप्रिल 2026 रोजी सकाळी 10:50 वाजता कळमनुरीतील नुरी मोहल्ला, दर्गा रोड येथे राहणारे बाबु कुरेशी यांच्या घरावर छापा टाकण्यात आला. रवि नारायण इंगोले यांच्या फिर्यादीवरून ही कारवाई करण्यात आली.
छाप्यादरम्यान पोलिसांना घटनास्थळावरून 43 किलो गोमांस अंदाजे किंमत 10,320 रु. (240 रु. प्रति किलो),एक जिवंत बैल कत्तलीसाठी निर्दयपणे आखूड दोरीने बांधलेला, किंमत अंदाजे 50,000 रु.,मांस तोडण्याचा काटा किंमत 2000 रु. एकूण जप्त मुद्देमालाची किंमत 62,320 रुपये आहे. या (Kalmanuri cow slaughter case) प्रकरणी पोलिसांनी दोन आरोपींना ताब्यात घेतले आहे. मोहम्मद गुलाम गौस उर्फ बाबु फकिर कुरेशी ,मोहम्मद अमेर मोहम्मद गुलाम गौस दोघेही नुरी मोहल्ला, दर्गा रोड, कळमनुरी येथील रहिवासी आहेत.
आरोपींविरुद्ध कळमनुरी पोलीस ठाण्यात महाराष्ट्र प्राणी संरक्षण सुधारित गोहत्या अधिनियम 1995* व प्राण्यांचा छळ प्रतिबंधक अधिनियम 1960 अंतर्गत गुन्हा दाखल करण्यात आला आहे. आरोपींनी संगनमताने, चारा-पाण्याची व्यवस्था न करता बैलाला बांधून ठेवून निर्दयपणे गोवंशाची कत्तल केल्याचे फिर्यादीत नमूद आहे. सदर गुन्हा दि. 23 एप्रिल 2026 रोजी सायंकाळी 7:24 वाजता नोंदवण्यात आला. या प्रकरणाचा पुढील तपास रवि नारायण इंगोले हे करीत आहेत. कळमनुरी पोलिसांच्या या (Kalmanuri cow slaughter case) कारवाईमुळे अवैध गोवंश हत्येच्या व्यवसायाला आळा बसेल, अशी अपेक्षा व्यक्त होत आहे.
