सदगुरु नगर मैदान येथे सायंकाळी ६ वाजता विहिंपचे अनंत पांडे यांचे व्याख्यान
परभणी (Parbhani Hindu Sammelan) : हिंदू समाजामध्ये सामाजिक समरसता, सांस्कृतिक जागरुकता आणि राष्ट्रीय बांधिलकी दृढ करण्याच्या उद्देशाने भव्य व्यापक हिंदू संमेलन २१ एप्रिल रोजी संध्याकाळी ६ वा सदगुरु नगर मैदान येथे आयोजित करण्यात आले आहे. या कार्यक्रमाच्या सभा मंडपाचे भूमिपूजन करण्यात आले. यावेळी संजय कुलकर्णी, रामा रेंगे, अंबादास वाकोडे यांची उपस्थिती होती.
या (Parbhani Hindu Sammelan) संमेलनामध्ये संघटित हिंदू - समर्थ राष्ट्र'या विषयावर वक्ते क्षेत्र सहमंत्री विश्व हिंदू परिषद अनंत लक्ष्मीकांत पांडे यांचे व्याख्यान होणार आहे. यावेळी अध्यक्ष यशवाडी देवस्थान १००८ आचार्य स्वामी शिवेंद्र चैतन्य महाराज तसेच माणिक भगवानराव रेंगे महाराज जांब हे आशीर्वचन करणार आहेत. विविध क्षेत्रातील मान्यवरांचे मार्गदर्शन, समाज जागृतीपर विचार आणि हिंदु समाजाचे संघटन याबाबत मार्गदर्शन होणार आहे.
हिंदू समाजातील युवक-युवती, सामाजिक कार्यकर्ते व नागरिकांनी या संमेलनास मोठ्या संख्येने उपस्थित राहावे. असे आवाहन आयोजक वैभव नगर, नवजीवन कॉलनी, आर्यवृत नगर, प्रभावती नगर, सहकार नगर, सुजाता कॉलनी, जिजाऊ नगर, ऑडीट नगर, रायगड नगर, शिवनेरी नगर, बालाजी नगर, मोगरा कॉलनी, बापू नगर, विवेकानंद नगर, पोस्ट कॉलनी, चिद्रवार नगर, सदगुरु नगर, राम नगर, साई नगर, गंगापुत्र कॉलनी, नेहरु नगर, भारत नगर, शाहु नगर, संत तुकाराम नगर, योगक्षेम नगर समस्त हिंदू समाज यांनी केले आहे. कार्यक्रमाची सांगता प्रसादाने होणार आहे.
