भारत माध्यमिक शाळेत महामानवास अभिवादन

रिसोड (Dr. Babasaheb Ambedkar) : येथील भारत माध्यमिक व उच्च माध्यमिक शाळेत महामानव, भारतीय राज्यघटनेचे शिल्पकार, भारतरत्न,प्रख्यात विद्वान,थोर समाज सुधारक, बोधिसत्व, डॉ.बाबासाहेब आंबेडकर (Dr. Babasaheb Ambedkar) यांची १३५ वी जयंती १४ एप्रिल २०२६ मंगळवारला शाळेच्या सभागृहात अतिशय उत्साहात संपन्न झाली.

         कार्यक्रमाचे अध्यक्ष स्थान शाळेचे प्राचार्य संजय भांडेकर यांनी भूषविले तर प्रमुख अतिथी मध्ये शाळेचे उपप्राचार्य  संजय शर्मा, पर्यवेक्षक  ज्ञानेश्वर थोरात तसेच शाळेचे जेष्ठ  शिक्षक श्री घोडे सर उपस्थित होते. सर्वप्रथम सर्व मान्यवरांनी डॉ. बाबासाहेब आंबेडकर (Dr. Babasaheb Ambedkar)  यांच्या प्रतिमेचे पुष्पहार घालून पूजन केले. याप्रसंगी शाळेचे शिक्षक श्री तुरुकमाने सर, श्री कटारे सर उप प्राचार्य श्री शर्मा सर, पर्यवेक्षक थोरात सर यांनी आपल्या भाषणामध्ये भारतरत्न डॉ. बाबासाहेब आंबेडकर (Dr. Babasaheb Ambedkar) यांच्या जीवन चरित्राचा व भारतीय राज्यघटनेचा सविस्तर आढावा घेतला.

आपल्या अध्यक्षीय भाषणामध्ये भांडेकर सर यांनी राज्यघटनेचे महत्त्व अधोरेखांकित करून राज्यघटना यशस्वी करायची असेल तर शासन, प्रशासन व सर्व नागरिकांनी आपली जबाबदारी ओळखून केवळ अधिकार मागण्यापेक्षा आपल्या कर्तव्याचे पालन करणे ही आपल्या सर्वांची आद्य जबाबदारी आहे,असे मत त्यांनी व्यक्त केले. या कार्यक्रमाला शाळेचे सर्व प्राध्यापक,प्राध्यापिका, शिक्षक,शिक्षिका, वर्ग नववीचे सर्व विद्यार्थी तसेच सर्व शिक्षकेतर कर्मचारी उपस्थित होते. कार्यक्रम संपल्यानंतर सर्व उपस्थितांना अल्पोपहाराची व्यवस्था करण्यात आली होती.या कार्यक्रमाचे संचलन व आभार प्रदर्शन डी. एन. देशमुख सर यांनी पार पाडले.