पोलिस कर्मचार्‍याच्या मृत्यूस कारणीभूत ठरल्याने गुन्हा दाखल

हिंगोली (Basamba Police Station) : यवतमाळ जिल्ह्यातील खंडाळा पोलिस ठाण्यामधील पोलिस कर्मचारी मोटार सायकलवरून जात असताना बासंबा पोलिस ठाणे हद्दितील धानापूर फाट्यावर २२ मार्चला अपघाताची घटना घडली होती. ज्यामध्ये त्याचा मृत्यू झाल्याने त्यांच्या मृत्यूस कारणीभूत ठरल्या प्रकरणी मोटार सायकल चालकावर गुन्हा दाखल करण्यात आला आहे. 

याबाबत पोलिस सुत्रांनी दिलेली माहिती अशी की, अरविंद भिमराव पवार (३७) हे यवतमाळ जिल्ह्यातील खंडाळा पोलिस ठाण्यात कार्यरत होते. २२ मार्च रोजी मोटार सायकल क्रमांक एमएच २९ बीटी २७७८ यावरून जात असताना (Basamba Police Station) बासंबा पोलिस ठाणे हद्दितील धानापूर फाट्यावर कोंडबाराव गडदे यांच्या समोरील सार्वजनिक रस्त्यावरून मोटार सायकल जात असताना भरधाव वेगातील मोटार सायकल क्रमांक एमएच ३८ एसी ३१६६ च्या चालकाने आपले वाहन निष्काळजीने चालवून अरविंद पवार यांच्या मोटार सायकलला धडक दिल्याने ते रस्त्याच्या खाली नालितील दगडावर पडून त्यांच्या डोक्याला गंभीर मार लागून त्यांचा मृत्यू झाला.

त्यांच्या मृत्यूस कारणीभूत ठरल्या प्रकरणी (Basamba Police Station) बासंबा पोलिस ठाण्यात हिंगोली जिल्हा पोलिस मुख्यालयातील महिला पोलिस शिपाई अल्का चव्हाण यांनी २७ मार्चला दिलेल्या फिर्यादीवरून मोटार सायकल क्रमांक एमएच ३८ एसी ३१६६ च्या चालकावर गुन्हा दाखल करण्यात आला. या प्रकरणाचा पुढील तपास बासंबा ठाण्याचे सहाय्यक पोलिस निरीक्षक विकास आडे यांच्या मार्गदर्शनाखाली पोलिस उपनिरीक्षक मदन गव्हाणे हे करीत आहेत.