ट्रॅक्टर आणि बलेनो कारची समोरासमोर धडक; वाहनाचे अतोनात नुकसान

मानोरा (Tractor-Baleno accident) : तालुक्यातील मानोरा- कारंजा रोडवरील भोयनी फाटाजवळ  दि. २० मे रोजी ट्रॅक्टर व बलेनो कारमध्ये समोरासमोर धडक झाल्याने वाहनाचे अतोनात नुकसान झाले आहे. या अपघातात सुदैवाने कुठलीही जीवितहानी झाल्याची घटना घडली नाही.

सविस्तर असे की, मौजे दापुरा येथील ट्रॅक्टर कुटार घेऊन जात असताना मानोरा - कारंजा रोडवरील भोयनी फाटा जवळ मानोराकडे जाणाऱ्या बलेनो कार व ट्रॅक्टर या दोन वाहनांमध्ये समोरासमोर धडक झाली. या अपघातात दोन्ही वाहनाचे अतोनात नुकसान झाले असुन सुदैवाने कुठलीही जीवित हानी झाली नाही. या समोरासमोर झालेल्या दोन वाहनाच्या जबर धडकेत ट्रॅक्टरचा पुढचा चक्का निघून बाहेर पडला आहे तर बलेनो कार समोरून पूर्णपणे चेपली आहे. या (Tractor-Baleno accident) अपघातात काही जण किरकोळ जखमी झाल्याचे प्राथमिक स्तरावर माहिती मिळाली आहे.