परभणीतील जिंतूरकडे जाणारी वाहतूक पुलाच्या कामामुळे वळवली

पर्यायी मार्गांचा वापर करण्याचे आवाहन

परभणी (Parbhani Jintur Transport) : शहरातील विसावा चौकीजवळील कॅनल पुलाचे बांधकाम रविवार २९ मार्च रोजी सकाळी ६ ते दुपारी १ या कालावधीत करण्यात येणार आहे. यामुळे राष्ट्रीय महामार्ग क्रमांक ७५२ के वरील वाहतूक पर्यायी मार्गाने वळविण्यात आली आहे. याबाबत पोलीस अधीक्षकांनी रविंद्रसिंह परदेशी यांनी पर्यायी मार्गांचा वापर करण्याचे आवाहन केले आहे. 

शहरातील विसावा चौकीजवळील कॅनलवर राष्ट्रीय महामार्ग ७५२ के हा परभणी ते जिंतूर मार्ग असून या (Parbhani Jintur Transport) मार्गावर दररोज अवजड व हलकी वाहने, मोटारसायकली तसेच एस.टी. बसेसची मोठ्या प्रमाणावर वर्दळ असते. परिसरात शाळा व महाविद्यालये असल्याने विद्यार्थ्यांचीही ये-जा मोठ्या प्रमाणावर असते. एम.एस.आर. डी.सी. लिमिटेड, छत्रपती संभाजीनगर यांच्यामार्फत या पुलाचे बांधकाम करण्यात येणार असल्याने रविवार २९ मार्च रोजी सकाळी ६ ते दुपारी १ या वेळेत संबंधित मार्ग पूर्णतः बंद ठेवण्यात येणार असल्याने वाहनधारकांनी पर्यायी मार्गांचा वापर करावा, असे अधिसूचनेत नमुद करण्यात आले  आहे.

सदर कालावधीत पोलीस ठाण्याचे अधिकारी व कर्मचारी तसेच शहर वाहतूक शाखेचे पोलीस यांचा बंदोबस्त ठेवण्यात येणार आहे. नागरिक व वाहनचालकांनी पर्यायी मार्गांचा वापर करून सहकार्य करावे, वाहतूक कोंडी टाळावी व शांतता व सुव्यवस्था राखण्यास मदत करावी, असे आवाहन पोलीस अधीक्षक रविंद्रसिंह संतोषसिंह परदेशी  यांनी केले आहे.

असे आहेत पर्यायी मार्ग
जिंतूरकडून परभणीकडे येणारी वाहने: सर्व वाहने बायपास पुलावरून उजवीकडे वळून बायपास रोडमार्गे (Parbhani Jintur Transport) पेडगाव रोडने परभणीत प्रवेश करतील. धार रोड व वांगी रोडकडे जाणार्‍या वाहनांना बायपास पुलावरून डावीकडे वळून बायपास रोडमार्गे धार रोड कॅनलजवळून संबंधित मार्गावर प्रवेश दिला जाईल. परभणीकडून जिंतूरकडे जाणारी वाहने : विसावा चौकी येथून पाथरी रोडमार्गे नवीन बायपास रोडने वाहने जिंतूरकडे जातील.