_{पाच जागेसाठी २७  मे रोजी होणार निवडणूक, मतमोजणी व निकाल लगेच}

हिंगोली (Hingoli Sangh Elections) : हिंगोली तालुका खरेदी विक्री संघाच्या निवडणुकीचा कार्यक्रम जाहीर झाला असून १५ जागोजागी २७ मे रोजी होणाऱ्या या निवडणुकीत १० जागा बिनविरोध निवडून आल्या असून आता पाच जागेसाठी निवडणूक होत आहे. मतदानानंतर मतमोजणी व लगेच निकाल जाहीर केला जाणार आहे.

हिंगोली तालुका खरेदी विक्री संघाच्या निवडणुकीचा कार्यक्रम जाहीर झाला असून १५ जागेसाठी हि निवडणूक होत असून यामध्ये १० जागा बिनविरोध निवडून आल्या आहेत.  यामध्ये  सोसायटी मतदारसंघातून सहा जागा बिनविरोध निवडून आल्या आहेत. इतर मागास प्रवर्गातील एक जागा बिनविरोध, अनुसूचित जाती जमाती मतदार संघातील एक जागा बिनविरोध निवडल्या गेली आहे. तसेच खेडे विभागातील दोन जागा बिनविरोध निवडल्या आहेत.

आता पाच जागेसाठी ही (Hingoli Sangh Elections) निवडणूक होत असून यामध्ये  शहरी विभागातुन दोन जागा महिला राखीवसाठी दोन जागा, विमुक्त जाती, भटक्या जमाती व विशेष मागास प्रवर्गासाठी एक अशा पाच जागेसाठी निवडणूक होत आहे.पाच जागेसाठी नऊ उमेदवार निवडून रिंगणात उभे आहेत. २७ मे रोजी सकाळी ८ ते दुपारी चार यावेळी जिल्हा परिषद प्राथमिक शाळा हिंगोली येथे मतदान होणार आहे. मतमोजणी मतदानानंतर लगेच होणार असुन त्यानंतर निकाल जाहीर केला जाणार आहे.