वादग्रस्त जनसंघर्ष अर्बन निधी शाखेतील साहित्य न्यायालयाच्या आदेशानुसार पांढरकवडा उपविभागीय पोलीस अधिकारी कार्यालयाचे उपनिरीक्षक राजेश लाखकर यांनी दि. २८ मार्च रोजी ताब्यात घेऊन गेले आहे.
न्यायालयाचा आदेश
मानोरा (Court Action) : शहरात अनेक दिवसापासून बंद असलेल्या अवस्थेत असलेल्या वादग्रस्त जनसंघर्ष अर्बन निधी शाखेतील साहित्य न्यायालयाच्या आदेशानुसार पांढरकवडा उपविभागीय पोलीस अधिकारी कार्यालयाचे उपनिरीक्षक राजेश लाखकर यांनी दि. २८ मार्च रोजी ताब्यात घेऊन गेले आहे.
मानोरा शहरात प्रणित मोरे यांनी खातेदार ग्राहकांना ज्यादा व्याजासह विविध प्रलोभने दाखवून एजंटाच्या माध्यमातून १ कोटी ५३ लाख रुपयांच्या ठेवी जमा केल्या होत्या. मात्र अचानक मानोरा येथील जनसंघर्ष अर्बन शाखा बंद पडल्याने शाखेमध्ये पैसे जमा केलेल्या खातेदारांची झोप उडाली होती. त्यावेळी दिग्रस पोलीस स्टेशन येथे गुन्हा दाखल झाल्याने यवतमाळ येथील गुन्हे शाखेच्या पथकाने २७ डिसेंबर रोजी रात्री बँकेची शाखा सील केली होती. जनसंघर्ष अर्बन निधी शाखेत घोटाळा केल्याप्रकरणी मुख्य सुत्रधार प्रणित मोरे यांच्यासह त्यांचे साथीदार आरोपी कारागृहात बंद आहेत. अद्यापही जनसंघर्ष अर्बन निधी शाखेत ठेवी जमा केलेले ग्राहक आपल्या जमापुंजी मिळविण्यासाठी न्यायालयीन लढा लढत आहेत. शनिवारी (दि. २८ मार्च रोजी) उपविभागीय पोलीस अधिकारी पांढरकवडा चे रायटर रवी शिहे, महेश नाईक व दिग्रस पोलीस स्टेशन चे पोलीस उपनिरीक्षक राजेश लाखकर यांनी मानोरा येथील जनसंघर्ष अर्बन निधी शाखे मधील संपूर्ण सामान् फर्निचर, लॅपटॉप, पि सी ओ न्यायालयाच्या आदेशानुसार ताब्यात घेऊन गेले आहे. यावेळी शाखेचे मॅनेजर कृष्णा रणखांब, कर्मचारी गौतम बरडे, अजिंक्य इंगोले, प्रतीक काडदाते, पिग्मी एजंट गिरीश तापडिया, शाखा इमारतीचे मालक स्वप्नील ठाकरे, खातेदार राम राऊत आदी उपस्थित होते.