शहरातील २३ वर्षीय विवाहितेवर सासऱ्याने वर्षभर अत्याचार केल्याची घटना उघडकीस आली आहे. पीडीतेच्या पतीने वडिलांच्या कृत्याला पाठिंबा दिल्याने त्यालाही सहआरोपी केले आहे.
खुलताबाद शहरातील धक्कादायक घटना
खुलताबाद (Domestic Violence) : शहरातील २३ वर्षीय विवाहितेवर सासऱ्याने वर्षभर अत्याचार केल्याची घटना उघडकीस आली आहे. पीडीतेच्या पतीने वडिलांच्या कृत्याला पाठिंबा दिल्याने त्यालाही सहआरोपी केले आहे.
पीडितेचा विवाह २०१९ मध्ये झाला. ती पती, सासू-सासरे व मुलांसह राहत होती. तिचा पती रात्रपाळीत नोकरी करत होता. वर्षभरापासून सासरा तिच्याकडे वाईट नजरेने पाहत असे. तसेच विवाहितेवर अत्याचार करण्याचा प्रयत्न करत होता.
पीडीतेने या प्रकाराला विरोध केला, मात्र सासऱ्याकडून तिला धमकावले जात होते.
पती रात्री कामावर गेल्यानंतर सासरा वारंवार तिच्यावर अत्याचार करत होता. हा प्रकार पीडितेने सासूला सांगितला असता, 'कोणाला सांगू नको, मी समजावतें' असे सांगून प्रकरण दडपण्याचा प्रयत्न केल्याचे तक्रारीत नमूद आहे. मात्र, सासऱ्याच्या वर्तनात कोणताही बदल झाला नाही. यानंतर पीडितेने पतीला सर्व प्रकार सांगितला असता, त्याने उलट 'वडील तुझी काळजी घेत आहेत', असे सांगून वडिलांची बाजू घेतली. तसेच पुढे पतीने तिच्याशी संवाद कमी केला आणि ४ महिन्यांपूर्वी पीडीतेचा पती घर सोडून निघून गेला.
या प्रकरणाबाबत अधिक माहिती खुलताबाद पोलीस ठाण्याचे पोलीस निरीक्षक निरीक्षक धनंजय फराटे यांनी दिली आहे.