Sand Smuggling operation: तालुक्यातील चिमेगाव शिवारातील पूर्णा नदीपात्रात जेसीबी द्वारे वाळू उपसा करून वाहतूक करणाऱ्या वाहनावर नांदेड परिक्षेत्राचे विशेष पोलीस महानिरीक्षक, औंढा नागनाथ महसूल
औंढा नागनाथ (Sand Smuggling operation) : तालुक्यातील चिमेगाव शिवारातील पूर्णा नदीपात्रात जेसीबी द्वारे वाळू उपसा करून वाहतूक करणाऱ्या वाहनावर नांदेड परिक्षेत्राचे विशेष पोलीस महानिरीक्षक, औंढा नागनाथ महसूल व पोलीस यांच्या संयुक्त पथकाने दिनांक चार जून रोजी पहाटे एक वाजेच्या सुमारास कारवाई करून २ जेसीबी, ३ हवा टिप्पर, १ ट्रॅक्टर असा एक कोटी २५ लाख ३० हजार रुपयाचा मुद्देमाल जप्त करून वाहन चालक-मालक यांच्यावर औंढा नागनाथ पोलीस ठाण्यात गुन्हा दाखल करण्यात आला आहे.
तालुक्यातील चिमेगाव शिवारातील पूर्णा नदीपात्रात मागील काही दिवसापासून बेसुमार जेसीबी द्वारे वाळू उपसा (Sand Smuggling operation) सुरू असल्याची माहिती मिळाली होती त्यावरून नांदेड परिक्षेत्राचे विशेष पोलीस महानिरीक्षक शहाजी उमाप यांचे पथकातील पोलीस उपनिरीक्षक पंकज इंगळे,औंढा नागनाथ तहसीलदार हरीश गाडे, यांच्या संयुक्त पथकाने दिनांक ४ जून रोजी भल्या पहाटे एक वाजे दरम्यान कारवाई करून विना क्रमांकाच्या २ जेसीबी, टिप्पर क्रमांक एम एच ३८ एक्स १४१५,व २ विना क्रमांकाचे टिप्पर १ विना क्रमांकाचे ट्रॅक्टर असा १ कोटी २५ लाख ३० हजार रुपयाचा मुद्देमाल जप्त करून सदरील वाहने औंढा नागनाथ पोलीस ठाणे येथे आणून लावण्यात आले आहेत.
याप्रकरणी मंडळ अधिकारी अशा गीते यांच्या फिर्यादीवरून दोन विना क्रमांकाच्या जेसीबी ज्याचे चालक-मालक,व दोन विना क्रमांकाचे टिप्पर, एक टिप्पर एम एच ३८ एक्स १४१५ ज्याचे चालक-मालक नाव गाव माहित नाही तसेच एक विना क्रमांकाचे ट्रॅक्टर चालक,मालक अशा दहा जनावर औंढा नागनाथ पोलीस ठाण्यात गुन्हा दाखल करण्यात आला आहे. पुढील तपास पोलीस निरीक्षक जीएस राहीरे यांच्या मार्गदर्शनाखाली पोलीस उपनिरीक्षक अमोल इंगोले करत आहेत.