परभणीत प्राध्यापकाचे घर फोडले; सोन्याचे दागिने लंपास

परभणी शहरातील श्रीकृष्ण नगरातील घटना नवा मोंढा पोलिसात नोंद

परभणी (Parbhani jewelery lampas) : उन्हाळ्याच्या सुट्ट्या असल्याने घर बंद करुन गावी गेलेल्या प्राध्यापकाचे घर फोडत अनोळखी चोरट्यांनी २ लाख ७८ हजार रुपये किंमतीचे सोन्याचे दागिने लंपास केले. ही घटना १ जून रोजी सकाळी साडे सातच्या सुमारास परभणी शहरातील खानापूर परिसरात असलेल्या श्रीकृष्ण नगर येथे उघडकीस आली. सदर प्रकरणी नवा मोंढा पोलिसात गुन्हा नोंदविण्यात आला आहे.

निलेश देविसिंग राठोड यांनी फिर्याद दिली आहे. ते श्रीकृष्ण नगर येथे परिवारासह किरायाणे राहतात. महाविद्यालयाला सुट्ट्या असल्याने फिर्यादी हे गावी गेले होते. घर बंद असल्याचा फायदा घेत ३१ मे च्या रात्री साडे दहा ते १ जुनच्या सकाळी साडे सात या (Parbhani jewelery lampas) दरम्यान अज्ञात चोरट्याने त्यांचे घर फोडून घरातून सोन्याचे मिनी गंठण, नेकलेस, कानातील झुमके, अंगठी व इतर दागिने मिळून २ लाख ७८ हजार रुपये किंमतीचे दागिने चोरुन नेले. या प्रकरणी नवा मोंढा पोलिसात गुन्हा दाखल करण्यात आला आहे. पोलीस अधिक तपास करत आहेत.