Parbhani illegal sand: परभणीतील पाथरी येथे पोलीसांनी अवैध वाळू वाहतुकीवर व गुटखा जप्तीवर धाडीची कारवाई केली. टिप्पर जप्त व दुसऱ्या कारवाईत प्रतिबंधित गुटखा जप्त केला.
स्थानिक गुन्हे शाखेच्या पथकाच्या पाथरीत दोन वेगवेगळ्या कारवाया
परभणी (Parbhani illegal sand) : पाथरी तालुक्यात स्थानिक गुन्हे शाखेच्या पथकाने पाथरी शहरात शनिवारी अवैध धंद्यांविरोधात दोन वेगवेगळ्या कारवाया करत अवैध वाळू वाहतूक करणारा टिप्पर जप्त केला तर दुसऱ्या कारवाईत प्रतिबंधित गुटखा जप्त करून संबंधितांविरुद्ध गुन्हे दाखल करण्यात आले आहेत.
स्थानिक गुन्हे शाखेचे पथक शनिवार ९ मे रोजी शहरात पेट्रोलिंग करत असताना पहाटे सुमारे ५.३० वाजण्याच्या दरम्यान माजलगावकडून येणाऱ्या रस्त्यावर हर्षवर्धन पेट्रोल पंपाजवळ अवैध वाळूने भरलेला टिप्पर आढळून आला. याप्रकरणी टिप्पर चालक व मालक चंद्रसिंग नाईक (रा. माळीवाडा, पाथरी) याच्याविरुद्ध पाथरी पोलीस ठाण्यात
पोलीस हवालदार विलास नारायण सातपुते यांनी दिलेल्या फिर्यादीवरून अवैध व चोरटी वाळू वाहतूक, पर्यावरण संरक्षण कायदा तसेच सार्वजनिक संपत्ती नुकसान अधिनियमांतर्गत गुन्हा दाखल करण्यात आला आहे.
त्यानंतर स्थानिक गुन्हे शाखेच्या पथकाला मिळालेल्या गोपनीय माहितीनुसार सकाळी सुमारे ९.३० वाजता हयातनगर परिसरातील समशोद्दीन तांबोळी यांच्या घराची झडती घेण्यात आली. या झडतीत महाराष्ट्र शासनाने प्रतिबंधित केलेला अंदाजे १५ हजार रुपये किमतीचा डायरेक्टर गुटखा आढळून आला. पोलिसांनी सदर गुटखा जप्त करून समशोद्दीन तांबोळी व आजमुद्दीन तांबोळी (दोघे रा. हयातनगर पाथरी) यांच्याविरुद्ध गुन्हा दाखल केला आहे. या (Parbhani illegal sand) प्रकरणी पोलीस अंमलदार मधुकर ढवळे यांनी फिर्याद दिली आहे.ही कारवाई स्थानिक गुन्हे शाखेचे पोलीस निरीक्षक विवेकानंद पाटील यांच्या मार्गदर्शनाखाली सहाय्यक पोलीस निरीक्षक श्रीधर जगताप, पोलीस अंमलदार विलास सातपुते, फड, घोंगडे, ढवळे, चव्हाण व शेख रफीयोदिन यांच्या पथकाने केली आहे.