Pimpalgaon Thombre Burglary: परभणी तालुक्यातील पिंपळगाव ठोंबरे येथे फिर्यादीच्या कुटुंबाने घराबाहेर झोपल्यावर मध्यरात्रीच्या काही वेळापासून चोरले ८८ हजार रुपये किमतीचे सोनेचे दागिने.
परभणी तालुक्यातील पिंपळगाव ठोंबरे येथे घरफोडी
परभणी (Pimpalgaon Thombre Burglary) : उकाडा जाणवत असल्याने घराबाहेर झोपल्यानंतर मध्यरात्रीच्या सुमारास चोरट्यांनी घरात प्रवेश करत ८८ हजार रुपये किंमतीचे सोन्याचे दागिने लंपास केले. ही घटना परभणी तालुक्यातील पिंपळगाव ठोंबरे येथे घडली. (Pimpalgaon Thombre Burglary) सदर प्रकरणी अनोळखी चोरट्यांवर २२ जून रोजी दैठणा पाोलिसात गुन्हा दाखल करण्यात आला आहे.
निलेश उध्दव हातागळे यांनी तक्रार दिली आहे. २१ जुनच्या रात्री आठ वाजता फिर्यादी, त्यांच्या आई- वडिलांनी सोबत जेवण केले. त्यानंतर फिर्यादी हे नवीन घराकडे झोपण्यासाठी गेले. तर आई- वडिल गरमी असल्याने घराबाहेर मोकळ्या जागेत झोपले. मध्यरात्रीच्या सुमारास फिर्यादीचे वडिल पाणी पिण्यासाठी उठले असता त्यांना घराचा दरवाजा उघडा दिसला. आत जावून पाहणी केल्यावर चोरी झाल्याचे लक्षात आले.
चोरट्यांनी सोन्याचे नेकलेस, झुंबराचे दोन जोड, सोन्याचे मणि, डोरले असे एकूण ८८ हजार रुपये किंमतीचे दागिने चोरुन नेल्याचे समजले. २१ जूनच्या रात्री आठ ते २२ जुनच्या पहाटे २ या दरम्यान सदर चोरी झाली. या (Pimpalgaon Thombre Burglary) प्रकरणी दैठणा पोलिसात गुन्हा दाखल करण्यात आला आहे. पोलीस अधिक तपास करत आहेत.