परभणीतील पिंगळी रोडवरील अपघातात दुचाकीस्वाराचा जागीच मृत्यू

परभणी (Parbhani Accidental Death) : शहरापासून जवळच असलेल्या पिंगळी रोडवरील शेंद्रा शिवारात छोटा हत्ती वाहनाची जबर धडक लागून झालेल्या अपघातात दुचाकीस्वार जागीच ठार झाल्याची घटना रविवार १२ एप्रिल रोजी सायंकाळी ५.३० वाजेच्या सुमारास घडली. या (Parbhani Accidental Death) प्रकरणी नवा मोंढा पोलिस ठाण्यात चालका विरुध्द गुन्हा दाखल करण्यात आला आहे.

याबाबत (Parbhani Accidental Death) पोलिस सुत्रांनी दिलेली माहिती अशी की, पूर्णा तालुक्यातील मजलापूर येथील सतीश शंकर गायकवाड वय २४ वर्ष, हा तरुण रविवार १२ एप्रिल रोजी एमएच - २२ बीडी -५०९० या क्रमांकाच्या दुचाकीने परभणीहून गावाकडे परत येत होता. पिंगळी रोडवरील  इनामदार पेट्रोल पंपा जवळ शेंद्रा शिवारात आला असताना समोरुन येणार्‍या एमएच -२२ एएन - २८६९ या क्रमांकाच्या छोटा हत्ती या वाहन चालकाने आपले वाहन निष्काळजी व हलगर्जीपणाने चालवून दुचाकीला धडक दिली. या अपघातात सतीश गायकवाड या तरुणाचा जागीच मृत्यू झाला. या (Parbhani Accidental Death) प्रकरणी मयताचे काका सिध्दार्थ गायकवाड यांनी दिलेल्या  तक्रारीवरुन छोटा हत्तीचालका विरुध्द गुन्हा दाखल करण्यात आला आहे.