माजी जिप अध्यक्ष अजय कंकडालवार यांना शनिवारपर्यंत पोलीस कोठडी

अहेरी (Ajay Kankadalwar) : नगरपंचायतीचे प्रशासकीय अधिकारी वैभव पांढरेंच्या मारहाण प्रकरणात आरोपी असलेले माजी जिल्हा परिषद अध्यक्ष अजय कंकडालवार यांना न्यायालयात आज हजर केले असतात न्यायालयाने त्यांना शनिवार दिनांक 13 जून पर्यंत पोलीस कोठडी सुनावली  असल्याची माहिती अहेरी पोलिसांकडून प्राप्त आहे. प्रकरणातील बाकी तीन आरोपी फरार असून त्यांची शोध मोहीम पोलिसांकरवी सुरू आहे. गुन्ह्याचे गांभीर्य लक्षात घेऊन गडचिरोली पोलिसांनी पथके निर्माण करून अजय (Ajay Kankadalwar) यांना काल अटक केली होती. अखेर 24 तासाच्या आत आरोपीला अटक करण्यात पोलिसांना यश आले होते.

त्यांना आज न्यायालयात हजर केले असता पोलिसांनी प्रकरणाच्या सखोल तपासासाठी व गुन्ह्यातील अधिक पुरावे गोळा करण्यासाठी न्यायालयीन पोलीस कोठडीची मागणी केली होती. कोर्टाने पोलिसांचे म्हणणे ऐकून आरोपीला शनिवार 13 जून पर्यंत पोलीस कोठडी सुनावली आहे. पोलीस निरीक्षक हर्षल एकरे व त्यांची चमु फरारांचा शोध व गुन्ह्याचा अधिक तपास करीत आहेत.