परभणीत विवाहितेने घेतला गळफास;पोलीस पतीसह सासरच्या मंडळीवर गुन्हा...!

परभणी शहरातील पोलीस वसाहतीमधील घटना; त्रासाला कंटाळून उचलले टोकाचे पाऊल

परभणी (Married Woman Suicide) : तुला मुलगी कशी झाली, मुलगा का झाला नाही, असे म्हणत टोमणे मारले तसेच तुझ्या वडिलांकडून पैसे घेऊन ये, असे म्हणून त्रास दिला. या त्रासाला कंटाळून २८ वर्षीय विवाहितेने २ जून रोजी रात्री सव्वा अकराच्या सुमारास पोलीस वसाहतीत गळफास घेतला. (Married Woman Suicide) विवाहितेला आत्महत्येस प्रवृत्ती केल्या प्रकरणी पोलीस पतीसह सासरच्या मंडळीवर गुन्हा दाखल करण्यात आला आहे. 

जयश्री बसवंते यांनी तक्रार दिली आहे. सोनम संदीप साळवे, वय २८ वर्ष, असे मयत विवाहितेचे नाव आहे. तक्रारदार यांच्या मुलीचे लग्न पोलीस शिपाई संदीप साळवे यांच्यासोबत झाले होते. लग्नानंतर काही दिवस चांगले नांदविल्यावर सासरच्या मंडळींनी विवाहितेला त्रास देण्यास सुरुवात केली. तुला खर्च करण्यासाठी तुझ्या वडिलांकडून पैसे घेऊन ये, तुला मुलगी कशी झाली मुलगा का झाला नाही, असे म्हणत टोमणे मारले.

या त्रासाला कंटाळून विवाहितेने पोलीस वसाहतीत राहत्या घरी गळफास घेऊन आत्महत्या (Married Woman Suicide) केली. तिला आत्महत्येस प्रवृत्त केल्या प्रकरणी नवरा संदीप साळवे, सासू राधाबाई साळवे, नणंद सविता हिवाळे, नंदोई किशोर हिवाळे आणि दिराचा १७ वर्षीय मुलगा यांच्यावर परभणी शहरातील नानलपेठ पोलिसात गुन्हा दाखल करण्यात आला आहे. पोलिसांनी या प्रकरणात तिघांना ताब्यात घेतले आहे.