जिवती येथिल २३ वर्षीय तरुण शेतकऱ्याची आत्महत्या

जिवती/ चंद्रपूर (Jivati Farmer Suicide) : जिवती येथील पवन दत्ता राठोड (वय २३) या तरुण शेतकऱ्याने बँकेच्या कर्जाची परतफेड करण्यात येणारी अडचण आणि पिकांच्या नुकसानीमुळे नैराश्यातून विष प्राशन करून आत्महत्या केल्याची घटना घडली आहे.

११ जुलै रोजी घरी विष प्राशन केल्यानंतर त्यांना जिल्हा सामान्य रुग्णालयात उपचारार्थ दाखल करण्यात आले होते. मात्र गुरुवारी (१६ जुलै) पहाटे ३ वाजता उपचारादरम्यान त्यांचा मृत्यू झाला. पवन राठोड यांच्या वडिलांचे आजारपणामुळे निधन झाले त्यानंतर त्यांचे पालनपोषण आजोबांनी केला मात्र आजोबाला वयोवृद्धात आजार जडल्याने संपूर्ण कुटुंबाची जबाबदारी पवनवर आली. (Jivati Farmer Suicide) त्यांनी शेती कामाला सुरुवात केली मात्र सततच्या नापिकीला कंटाळून व कर्जाच्या ओझ्याखाली येत त्याने आत्महत्येचे पाऊल उचलले .